इटहरी/ कलश इभेन्टसद्वारा आयोजित कार्यक्रम ‘लिटिल मिस एन्जल’को चौथौं संस्करणको राष्ट्रिय नाचघर जमलको सभाहलमा सम्पन्न गरिएको छ । फाईनल कार्यक्रमबाट विजडम स्कुलमा अध्ययनरत किन्जल नेपालले चौथौं संस्करणको लिटिल मिस एन्जलको ताज चुम्न सफल भएकी छन् । उनले बिजेताको ताज पहिरिदै २५ हजार नगद पुरस्कार सहित विभिन्न उपहारहरु प्राप्त गरेकी छन् । त्यस्तै एलिक्शर स्कुलमा अध्ययनरत सम्पदा महतो फर्स्टरनरअप भईन् भने यूलेन्स स्कूलका आध्या ढकाल सेकेन्ड रनरअप बन्न सफल भईन् ।
फाईनल कार्यक्रमबाट फर्स्ट रनरअप भएकी सम्पदाले ताज सहित १५ हजार र सेकेन्ड रनरअप भएकी आध्याले १० हजार नगद सहित अन्य पुरस्कारहरु प्राप्त गरेकी छन् । फाईनलमा ३५ जना बालिकाहरुको प्रतिष्पर्धा रहेको थियो । विगत १ महिना अघिदेखि प्रशिक्षणमा व्यस्त रहेका बालिकाहरुले आईआईएफटी स्कूल अफ फेसन एण्ड इन्टेरियर डिजाइनमा अध्यनरत फेसन डिजाइनका विद्यार्थीहरुले तयार परेका पोसाकमा सजिएर फाईनल प्रतिष्पर्धामा उत्रिएका थिए ।
‘लिटिल मिस एन्जल’को फाईनलमा सांस्कृतिक संस्थानका महानिर्देशक अशोकप्यासी राइको प्रमुख आतिथ्यता रहेको थियो भने प्रतियोगिताका निर्णयक मण्डलमा यूरो किड्स थापाथलीका प्रिन्सिपल रामेश्वर श्रेष्ठ, प्याब्सन काठमाण्डौका कार्यकारी सदस्य मोहना खनाल, न्यू जेनिथ स्कुलका प्रिन्सिपल राजु महर्जन, अभिनेत्री नम्रता सापकोटा तथा आईआईएफटीका कार्यकारी निर्देशक बिपना थापा रहेका थिए । प्रतियोगिताको कोरियोग्राफी वरिष्ठ नृत्य निर्देशक रोहिया महर्जनले गरेका थिए ।
Discussion about this post