इटहरी/ समाजमा मानिसहरु कसरी रक्सीको कुलतमा फस्दै गइरहेका छन् भन्ने यथार्थपरक कथालाई चित्रण गर्दै नयाँ थारु म्युजिक भिडियो ‘एक बोतल दारु, दुई बोतल दारु’ सार्वजनिक भएको छ । स्वर्गीय गायक राम धामीप्रति उच्च सम्मान र श्रद्धाञ्जली व्यक्त गर्दै सोमबार सुनसरीको झुम्कास्थित म्याजिक सिनेमा हलमा एक विशेष कार्यक्रमका बीच यो गीतको बिमोचन गरिएको हो ।
उक्त कार्यक्रममा प्रमुख अतिथि थारु फिल्म उद्योगका पहिलो नायक पर्शुराम चौधरी र विशिष्ट अतिथि चर्चित गायक श्रीकृष्ण लुइटेल ‘बोके दारी’ले संयुक्त रुपमा म्युजिक भिडियोको लोकार्पण गरेका थिए । यस गीतमा प्रवलदीप विश्वासको आफ्नै शब्द, संगीत र मुख्य स्वर रहेको छ । उनलाई स्वरमा गायिका नीतु चौधरीले साथ दिएकी छन् । गीतलाई सुमधुर बनाउन सञ्जय हमालले संगीत संयोजन गरेका छन् । हेर्नुस् भिडियो ।
यस्तै ध्वनि रेकर्डिङ हारुन रसिद र ध्वनि मिश्रणको काम बिजेन श्रेष्ठले सम्हालेका छन् । म्युजिक भिडियोलाई कलात्मक र सन्देशमूलक बनाउन कार्तिक राजवंशीले निर्देशन गरेका छन् । भिडियोको दृश्य सम्पादन र रंगरोगनको जिम्मा पनि निर्देशक राजवंशीले नै सम्हालेका छन् । भिडियोलाई रबिन चौधरीले क्यामेरामा कैद गरेका हुन् भने कलाकारहरुको शृङ्गार अवध नारायण राजवंशीले गरेका छन् ।
@parikalanewsofficial
रक्सीको लत र यसको प्रभावलाई पर्दामा जीवन्त उतार्न भिडियोमा ठूलो कलाकार टोलीले अभिनय गरेको छ । जसमा सनम चौधरी, राजेश राजवंशी, पाण्डव चौधरी, सरोज चौधरी, विक्की राजवंशी, मन कुमार राजवंशी, प्रितम राजवंशी, राम कृष्ण तवदार, रमेन चौधरी, महेन्द्र चौधरी, ईश्वर माझी, जीवन मुर्मु, अनुराग माझी, निरज राजवंशी र सुरज राजवंशी लगायतका कलाकारहरुको अभिनय देख्न सकिन्छ । दर्शक तथा श्रोताहरूले यो सन्देशमूलक तथा मनोरञ्जनात्मक म्युजिक भिडियोलाई गायक विश्वासकै आधिकारिक युट्युब च्यानल मार्फत हेर्न र सुन्न सक्नेछन् ।
Discussion about this post