रोमान्सका दृश्यलाई महत्त्व दिदै फिल्म ‘परस्त्री’ ट्रेलर सार्वजनिक

इटहरी/ दोश्रो इन्डो नेपाली फिल्मको रुपमा रहेको फिल्म ‘परस्त्री’ को ट्रेलर सार्वजनिक भएको छ । फिल्मको यसअघि पोस्टर सार्वजनिक भएर राम्रो तारिफ बटुलिसकेको छ भने केही दिनअघि फिल्मको ‘माया बस्यो तिमी संग’ नामक नेपाली र हिन्दी भाषामा गीत तथा भिडियो सार्वजनिक भएको थियो । आउँदो असार १५ गते सार्वजनिक प्रदर्शनमा आउने फिल्मको ट्रेलर बिहिवार काठमाडौमा एक कार्यक्रमको आयोजना गरि सार्वजनिक गरिएको हो । फिल्मको हिन्दी डब समेत सकिएको निर्माता पाण्डेको भनाइ छ । हेर्नुस् ट्रेलर ।

डिएस डिजिटल र अमृत पाण्डेको संयुक्त प्रस्तुतिमा बनेको फिल्मको सार्वजनिक ट्रेलरमा रोमान्सका सिनहरुले बढी स्थान पाएको छ भने प्रेम र बदलाका दृश्यहरु पनि समावेश गरिएको छ । शर्मिला पाण्डे निर्माता रहेको फिल्ममा विवाहेत्तर सम्बन्धले पारिवारिक समस्या र जटिलताका कुराहरु प्रस्ट्याउन खोजिएको छ । दीपेन्द्र के खनालले लेखेको फिल्मलाई सुरज पाण्डे निर्देशन गरेका हुन् । हाल उनी मुम्बईमै छिन् । परस्त्रीमा कोसिस क्षेत्री, शिल्पा मास्के, गौरव विष्टलगायतका कलाकारको अभिनय रहेको छ ।