इटहरी /फिल्म ‘दिल चाहता है’ का अभिनेता रियो कपाडियाको निधन भएको छ । उनको ६६ (८ जुन १९५७ -१४ सेप्टेम्बर २०२३ ) वर्षको उमेरमा दु:खद निधन भएको छ । उनको अन्तिम संस्कार १५ सेप्टेम्बर गोरे गाउँको शिव धाम शम्शान भूमिमा हुनेछ। यद्यपि, उनको कुन कारणले निधन भएको हो भन्ने कुनै जानकारी छैन । उनको मृत्युलाई परिवारका सदस्यले पनि पुष्टि गरेका छन् । रियोको निधनले बलिउड जगतलाई एक पटक फेरी बज्रपात परेको छ ।
आफ्नो अभिनयले फिल्मी जगतमा उदाएका रियो अन्तिम समय सम्म पनि फिल्म मै अस्ताएका छन् । उनी अन्तिम पटक ‘मेड इन हेभेन’ सिजन २ को प्राइम भिडियो सिरिजको एउटा एपिसोडमा देखिएका थिए। उनको निधनको खबर उनका साथी फैसल मलिकले इन्डिया टुडेलाई दिएका छन्। । उनको श्रीमती मारिया फराह, छोराछोरी अमान र वीर छन्। धेरैले सामाजिक सञ्जाल मार्फत रियोलाई श्रद्धाञ्जली दिइरहेका छन् ।
भारतीय सञ्चारमा प्रकाशित समाचार अनुसार अघिल्लो वर्ष उनलाई क्यान्सर देखिएको थियो । अभिनेताले आमिर खान, शाहरुख खान र रानी मुखर्जीजस्ता कलाकारसँग काम गरेका छन् । रियोले ‘दिल चहता है’ , ‘ह्याप्पी न्यु ईयर’ , ‘चक दे ! इन्डिया ‘ , ‘खुदा हफिज’ जस्ता थुप्रै फिल्म तथाटिभी सिरियलमा अभिनय गरेका थिए। उनको शुक्रवार अन्तिम संस्कार गरिन्छ । फिल्मका अलावा दिवंगत अभिनेता टेलिभिजन शो सपना सुहाने लडकपन केमा पनि देखिएका थिए। उनले सिद्धार्थ तिवारीको महाभारतमा गान्धारीका पिता गान्धाराका राजा सुबालाको भूमिका निभाएका थिए।
Discussion about this post