प्रमोद खरेलले भाइरल गायिका सिम्रन परियारसंग गाएको नयाँ गीत सार्वजनिक

इटहरी / दर्जनौ संगीतमा आफ्नो स्वर दिएका गायक तथा बिभिन्न रियालिटी शो को जज समेत रहेका गायक प्रमोद खरेलको गीत मन नपराउने सायदै कम छन् । हरेक पटक आफनो स्वरले संगीत प्रेमीको मन लोभ्याउने गरेका उनले यो पटक पनि सुनौसुनौ लाग्ने गीत ल्याएका छन् । उनको सुमधुर स्वरमा ‘जो छुट्यो त्यो आफनो थिएन’ गीत सार्वजनिक गरिएको हो । यो गीत सार्वजनिक भएको २ दिन बित्दै गर्दा युट्युब नेपालको म्युजिक क्याटोगरि अन्तर्गत ११ औं नम्बर ट्रेण्डिङ्गमा पुहेको छ ।

सुनिल बि. क. ले रचना गरेको गीतमा प्रमोद खरेल तथा सिम्रन परियारको स्वर रहेको छ । सिम्रन पछिल्लो समय आफ्नो स्वरका कारण सामाजिक संजालमा भाइरल भएकी नव गायिका हुन् । उनको स्वरको जादु सामाजिक संजालमा सार्वजनिक भएपछी यतिबेला उनलाई गीत गाउनमा भ्याइनभ्याइ छ । सार्वजनिक संगीत तथा भिडियोमा मायामा बिछोडको पिडा देखाईएको छ । हेर्नुस भिडियो

आँखाले देखेका सबै कुराहरु सत्य नहुने र देखेको भरमा निर्णय लिदा दु:ख मात्र पाईन्छ भन्ने सन्देश बोकेको यो गीतलाई सुनिल बि. क. ले नै संगीत दिएका हुन् । संगीतले मान्छेको मनको भावना पोख्दछ । बिकाश प्रसाईले निर्देशन तथा सम्पादन गरेको भिडियोमा दिभ्यानी बोहोरा, स्मारिका खनाल, बिक्रम बुढाथोकीले दमदार प्रस्तुति दिएका छन् । राम के. सि. ले छायांकन गरेका यो भिडियोको गीतलाई संगीत संयोजन बिशाल निरौलाले गरेको हो ।