इटहरी/ याक्थुङ चलचित्रकर्मी संघ नेपालको केन्द्रीय अध्यक्षमा पुनः नवीन मेन्याङबो सर्वसम्मत चयन भएका छन् । शनिबार धरान–८ स्थित सहिद सभाहलमा सम्पन्न संघको चौथो साधारण सभा तथा दोस्रो महाधिवेशनले मेन्याङबोलाई दोस्रो कार्यकालका लागि सर्वसम्मत रूपमा अध्यक्षको जिम्मेवारी सुम्पेको हो । महाधिवेशनको अवसर पारेर फिल्म र सञ्चार क्षेत्रमा विशेष योगदान पुर्याउने तीन जना विशिष्ट व्यक्तिहरूलाई सम्मान समेत गरिएको छ ।
प्रथम लिम्बू फिल्मकी नायिका शोभा खजुम, अभिनेता किशोर सम्बाहाम्फे र फिल्म पत्रकार मनोज दाहाललाई उनीहरूको योगदानको कदर गर्दै सम्मान गरिएको हो । महाधिवेशनले अध्यक्षसहित सम्पूर्ण पदाधिकारी र सदस्यहरू निर्विरोध चुनेको छ । जसअन्तर्गत महासचिवमा उदय सुब्बा कुरुम्बाङ, कोषाध्यक्षमा संचमाया वरुम्हाङ र सह-कोषाध्यक्षमा सोम सेरेङ चयन भएका छन् ।
संघले भौगोलिक प्रतिनिधित्वलाई ध्यानमा राख्दै ६ जना उपाध्यक्ष र ३ जना सचिव पनि चयन गरेको छ । उपाध्यक्षहरूमा दिलु सुब्बा (सुनसरी), शैलेन्द्र नाल्बो (काठमाडौं), तेज मेन्याङबो (सुनसरी), टेकराज तिगेला (तेह्रथुम), दिलीप फुरुम्बो (झापा) र कर्ण सम्बाहाम्फे (सुनसरी) चयन भएका हुन् भने सचिवहरूमा प्रकाश लिम्बु, मणि कुमार लिम्बु र रमेश माबोहाङ चयन भएका हुन् ।
कार्यसमिति सदस्यहरूमा पुर्णकला तेयुङ, डम्बर कुमारी पयाङ्गो मेन्याङबो, बादल चेम्जोङ, कृष्ण लावती, गंगा राई लिम्बु, टिका चेम्जोङ, दिपशिखा लिम्बु, वेरुजा फोम्बो, एलिषा चोङवाङ, पुष्पाञ्जलि तिलिङ, हेमु स्मृति चोङवाङ, मोति मेन्याङबो, प्रेम कुमारी थलङ, सिता लिम्बु, संचमाया पधांक, टिका देवी थलङ, धनमाया माङदेन, नर्मदा संयक लिम्बु, विष्णुमाया वरुम्हाङ र ललिता केदेम चयन भएका छन् ।
Discussion about this post