इटहरी/ चर्चित कलाकारहरूको अभिनय रहेको सिरिज ‘ब्रह्माण्ड’को ३ भाषामा टिजर सार्वजनिक गरिएको छ । कान्तिपुर फिल्म एकेडेमी, काठमाण्डौ र टोपी स्टुडियोज पोखराको संयुक्त ब्यानरमा निर्माण गरिने ओटिटी प्लेटफर्ममा सार्वजनिक गरिने छ । सिरिज निर्माण कम्पनी कान्तिपुर फिल्म एकेडेमीले सुरुवात गर्न लागेको नेपाली ओटीटी प्लेटफर्म ‘कान्तिपुर सिनेमाज’मा यो सिरिजलाई रिलिज गर्ने तयारी निर्माण युनिटको छ ।
सार्वजनिक ३ भाषाको टिजरमा सिरिजका मुख्य कलाकारहरूलाई अटाईएको छ । जम्मा ८ घन्टा लामो हुने सिरिजमा अर्पण थापा, सुनिल थापा, निशा अधिकारी, भोलाराज सापकोटा, विशाल पहारी र सुरज बिष्टसंगै नवकलाकारहरु सञ्जय ढुंगाना र सुप्रज्ञा शर्माको पनि अभिनय रहेको छ । हेर्नुस् नेपाली टिजर
आगामी सेप्टेम्बरबाट यो सिरिजको पूरा भाग कान्तिपुर सिनेमाको ओटीटी प्लेटफर्ममा सार्वजनिक गरिनेछ । केही समयपछि औपचारिक कार्यक्रम गरेर यसबारेमा बिस्तृत जानकारी गराईने निर्माण युनिटले जनाएको छ । सागर राज आचार्य निर्माता रहेको सिरिजको कृयटिभ प्रोड्युसर प्रकाश पुरी हुन् । ब्रह्माण्ड’मा पुरुषोत्तम प्रधानको छायांकन तथा सुरेन्द्र पौडेलको सम्पादन रहेको छ । रियाज नाटककारको लेखन तथा निर्देशन रहेको यो नेपाली सिरिजलाई अन्तराष्ट्रिय मापदण्ड अनुसार निर्माण गरिएको फिल्म युनिटको भनाई छ ।
हेर्नुस् हिन्दी टिजर:
हेर्नुस् अङ्ग्रेजी टिजर:
Discussion about this post