इटहरी/ भारतिय हिट गीत टिप टिप वर्षा पानी गीत त सुन्नै भएको होला, भिडियो पनि हेर्नै भएको होला । भिडियोमा अक्षय कुमार र कट्रीना कैफ नाचेको यो हिन्दी गीत सर्वाधिक हिट छ । यता नेपालिमा पनि यस्तै एक मिल्दोजुल्दो गीत सार्वजनिक भएको छ । मिल्दोजुल्दो भन्दा पनि यो गीतको सिग्नेचर म्युजिक चोरी गर्दै तप तप पानी बोलको गीत र त्यसको भिडियो युट्युबमा सार्वजनिक गरिएको छ । दुबै पानीको गीत भएको कारण पानीमा नाचेको कुरालाई चाहिँ चोरेको भन्न नमिल्ला । सामाजिक संजालमा यो गीत सार्वजनिक हुनुभन्दा पहिले देखि नै चोरेको भन्दै धेरैले प्रतिक्रिया दिइरहेका थिए । हेर्नुस् यो विषयलाई बिस्तृतमा समावेश गर्दै तयार गरिएको हाइलाइट्स कार्यक्रम ।
सार्वजनिक पश्चात् पनि गीत चोरिको आरोप सामाजिक संजाल प्रयोगकर्ता हरुले लगाईरहेका छन् । सार्वजनिक गीतमा बारम्बार सो म्युजिक रिपिट भएको छ भने तपाईले पनि सुन्नु भयो भने अझै केही कुराहरु चोरेको महसुस गर्न सक्नुहुन्छ । गीत तथा भिडियोले खासै चर्चा र भ्युज त पाएको छैन तर, भाईरल बनाउन यतिबेला फेसबुकमा डलर खर्च गरेर बिज्ञापन गरिएको छ । गीतमा स्वर भने चर्चित नामकै रहेको छ । गायिका अन्नु चौधरी र दिलिप ओखेडा । गीत र त्यसको भिडियो राम्रो बनेको छ । तर, त्यती कामले गर्दा गीतलाई चोरिको ट्याग लागेको छ ।
दिलिपले गाउने मात्रै हैन यो भिडियोलाई निर्माण, निर्देशन तथा कोरियोग्राफी पनि गरेका छन् । उनले आफुलाई २० वर्षदेखी कला क्षेत्रमा रहेको बताउछन् । अनि अब यस्ता पुराना मान्छे र चर्चित गायिकाले यसरी गीत चोरेर गाउन कति जायज हो ? अन्नु पछिल्लो समयकी लोकप्रिय गायिका हुन्, उनले चोरी गरेको थाहा नपाएको हो कि थाहा पाएर पनि थाहा नपाएझै गरेको हो ? त्यो भने उनै जानुन् । गीत सुन्दा जो कोहिले चोरेको भनेर थाहा पाउछन् । नेपालमा हिट हुने नै यस्तै यस्तै हर्कत गरेर पनि हो । दिलिपले पहिलो चोटि गीत गाएका रहेछन्, अब चल्न त पर्यो । हुबहु चोरेपछी विवाद र आलोचनामा परिन्छ अनि चलिन्छ भन्ने सोच होला तपाईको हैन ?
Discussion about this post