इटहरी/ दर्शकस्रोतामाझ प्रेम र आकर्षणको भाव बोकेको नयाँ सांगीतिक कोसेली “मोहनी लगायो कान्छीले” रिलिज भएको छ । गायक आशिर्वाद सुवेदी र लोकप्रिय गायिका एलिना चौहानको सुमधुर स्वरले सजिएको यस गीतलाई गायक सुवेदीकै आधिकारिक युट्युब च्यानलमार्फत दर्शकमाझ ल्याइएको हो ।
चर्चित सर्जक बसन्त सापकोटाको शब्द तथा संगीत रहेको यस गीतलाई उदयराज पौडेलले आधुनिक शैलीमा संगीत संयोजन गरेर झनै मिठासपूर्ण बनाएका छन् । अडियो जस्तै गीतको म्युजिक भिडियो पनि उत्तिकै आकर्षक बनेको छ । भिडियोमा चर्चित मोडल आश्मा विश्वकर्मा र प्रभात पाल ठकुरीको उत्कृष्ट रोमान्टिक केमेस्ट्री र अभिनय देख्न सकिन्छ । हेर्नुस् भिडियो ।
हरि हुमागाईंको निर्देशन, डिओपी तथा सम्पादन रहेको भिडियोमा छायांकन उत्तम हुमागाईंको रहेको छ । निर्माण पक्षका अनुसार, उत्कृष्ट अडियो र भिडियोको संयोजन रहेको यस गीतले छोटो समयमै समकालीन नेपाली संगीत प्रेमीहरूबाट सकारात्मक र उत्साहजनक प्रतिक्रिया बटुलिरहेको छ ।
@parikalanewsofficial
Discussion about this post