चर्चित कलाकार बल्छे धुर्बे, राजु मास्टर साप सहित लोकप्रिय युट्युबर एलिश राई लगायत पक्राउ

इटहरी/ अबैध धन्दाको रुपमा रहेको बेटिङ प्रचारमा संलग्न भएका कारण कलाकार तथा युट्युबर पक्राउ परेका छन् । पक्राउ पर्नेमा बल्छी धुर्बे पात्रको रुपमा ख्याती कमाएका चर्चित हास्यकलाकार मरिचमान श्रेष्ठ, यस्तै टेलिफिल्ममा राजु मास्टर साप पात्र मार्फत लोकप्रिय बनेका राजु पौडेल, भटभटे माइलो पात्र मार्फत चर्चित भएका बेगम नेपालिसंगै म्याकुरी डाईलोगका कारण चर्चामा आएका हास्यकलाकार पवन खतिवडा रहेका छन् ।

यस्तै प्र्यान्क स्टार एलिश राई, गणेश देवकोटा (जीडी), जलन घर्ती मगर र सरोज घिमिरे (ढेडु बुडो) समेत बेटिङ प्रचार गरेको आरोपमा पक्राउ परेका छन् । काठमाडौं उपत्यका प्रहरी अनुसन्धान कार्यालयको टोलीले युट्युब च्यानलमा नेपालमा अवैध वनएक्स बेटको प्रचार गरेको पाइएपछि उनीहरूलाई नियन्त्रणमा लिएको जनाएको छ । पक्राउ परेका कलाकार तथा युट्युबरहरुले सोझा सिधा मानिसहरूलाई युट्युब तथा सामाजिक संजालको माध्यमबाट गेम खेलेर घरै बसीबसी सजिलै पैसा कमाउने लोभ देखाउने गरेक छन् । उनिहरुले अप्लोड गरेका आफ्नो भिडियो तथा त्यसको डिस्कृप्सनमा बेटिङ एपको प्रोमो कोडसहित राखेर प्रचार गर्दै आईरहेका थिए ।