इटहरी/ चलचित्र पत्रकार कुमार आचार्यको निर्देशनमा तयार पारिएको नयाँ गीत “तिम्रै हुने मन छ” सार्वजनिक गरिएको छ । सार्वजनिक गीतमा नित्यशिवा र सूर्य भुजेलको सुमधुर स्वर रहेको छ । यस गीतको शब्द शंकर अधिकारी ‘घायल’ले लेखेका हुन् । घायलले प्रेमको अभिव्यक्ति गर्दै शब्दहरूलाई सरल तर प्रभावशाली तरिकाले पस्किएका छन् ।
गीतको संगीत र एरेन्ज पुरूषोत्तम न्यौपानेले गरेका हुन् । ‘तिम्रै हुने मन छ’ लाई मिक्स र मास्टरिङ राजीव शाहले गरेका हुन् भने गीतलाई रेकर्ड गर्ने जिम्मा प्रकाश श्रेष्ठले लिएका छन् । यस्तै यो गीतको भिडियो पनि उत्तिकै आकर्षक बनाईएको छ । हेर्नुस् भिडियो ।
भिडियोमा सलोन बस्नेत, सिमोन गिरी र नरेश पौड्याल फिचर्ड छन् । भिडियोमा कोरियोग्राफी सुरेश पाण्डेले गरेका हुन् भने इश्वर सिङ्केमानको सिनेमाटोग्राफीले भिडियोलाई आकर्षक बनाएको छ । यस्तै सौरभ लामाको डिओपी तथा बन्दे प्रसादले भिडियो सम्पादन गरेका छन् । भिडियोको पोस्ट-प्रोडक्सन मूभि प्वाइन्टले गरेको हो ।
Discussion about this post