इटहरी/ यतिबेला पुर्वको मुटु मानिएको सुनसरीको इटहरी चलचित्र महोत्सवमय बनिरहेको छ । नेपाल र युरोपबीच दौत्य सम्बन्ध स्थापनाको ५० वर्ष पूरा भएको अवसरमा इटहरीमा ‘नेपाल–युरोपियन युनियन चलचित्र महोत्सव’ आयोजना भैरहेको छ । कार्तिक ३० गते साँझ ५ बजे इलाईट सिनेमा हलमा उद्घाटन समारोह गरि सुरु गरिएको ४ दिने महोत्सवको आज तेश्रो दिन हो ।
महोत्सवमा हरेक दिन नेपाली र युरोपेली सर्ट फिल्महरू नि:शुल्क प्रदर्शन गरिंदैछ । आयोजकले यस महोत्सवले नेपाली र युरोपियन चलचित्रबीचको सांस्कृतिक आदानप्रदानलाई थप सशक्त बनाउने अपेक्षा गरेको छ । यो महोत्सव अवधीभर नेपाली सर्ट फिल्म र युरोपेली फिल्म गरि २० फिल्म प्रदर्शन हुँदैछन् । जसको आज तेश्रो दिन प्रदर्शन हुने फिल्महरु यसप्रकार रहेका छन् ।
पहिलो शो – बिहान ११ बजे:
नेपाली सर्ट फिल्म ‘मखमली उडान’
युरोपेली फिल्म ‘द स्ट्रेन्ज केस अफ ज्याकी कैल्यु’
दोश्रो शो – दिउँसो १:४५ बजे:
नेपाली सर्ट फिल्म ‘काठमाडौ मनसुन’
युरोपेली फिल्म ‘स्कुल गर्ल’
तेश्रो शो – दिउँसो ४:३० बजे:
नेपाली सर्ट फिल्म ‘डिभिनेसन’
युरोपेली फिल्म ‘मिस भिबोर्ग’
महोत्सवमा दर्शहरुको बाक्लो उपस्थिति रहेको छ । उपस्थित दर्शकहरूले प्राप्त गरेका टिकटको लक्की ड्रमार्फत विभिन्न आकर्षक उपहार समेत प्रदान गरिंदैछ । नेपालस्थित युरोपेली युनियनको कार्यालयको आयोजनामा भैरहेको यो महोत्सव कपिल पराजुली र चन्दा दाहालको व्यवस्थापनमा सञ्चालन भइरहेको छ ।
Discussion about this post