इटहरी/ यहि असोज २४ गते दशैँको फुलपातीबाट सार्वजनिक प्रदर्शनमा आउन लागेको फिल्महरुको रोचक महाभिडन्त सुरु हुन अब केही दिन मात्रै बाकी छ । तर, सिनेमा हलहरुले आजबाट नै अनलाइनमा टिकट बुकिङ खुलाउन थालेको छ । यता कोशी प्रदेशमा पनि फिल्म हलहरुले अग्रिम टिकट बुकिङ खुलाउन थालेको छ । निकै नै महत्त्वका साथ हेरिएको छक्का पन्जा ५, १२ गाउँ र ज्वाइँ साबको अग्रीम अनलाइन टिकट बुकिङ खुलाउने कोशी प्रदेशमा दमकको डिम्याक्स सिनेमा हल भएको छ ।
यो हलले यी फिल्महरुको अनलाइन टिकट खुल्ला गर्ना साथ आफ्नो सिट सुरक्षीत गर्नेहरु बढिरहेका छन् । डिम्याक्सले फिल्म रिलिज अर्थात असोज २४ गते छक्का पन्जा ५ लाई बिहान १० बजे, दिउँसो १:१५ बजे र राती ७:३० बजे गरि ३ शो छुट्याएको छ । यस्तै १२ गाउँलाई बिहानको १०:१५ बजे, दिउँसो ४:३० बजे र राती ७:१५ बजे गरि ३ शो दिएको छ । यता ज्वाइँ साबलाई भने दिउँसो १ बजे र ४:१५ बजे गरि जम्मा २ शो दिएको छ ।
यतिबेला यी छुट्टिएका शो हरु हेर्ने हो भने छक्का पन्जा ५ र १२ गाउँ को प्रतिष्पर्धा बढेको छ । यो समाचार तयार गर्दैगर्दा छक्का पन्जा ५ को रात्रीकालिन शो लगभग आधा भरिएको छ । अन्य शोहरुमा केही बुकिङहरु भैरहेका छन् । यस्तै १२ गाउँको पनि रात्रीकालिन शो लगभग आधा बुक भैसकेको छ । अन्य शोहरुमा पनि बुकिङ बढिरहेको छ । यता ज्वाइँ साबमा भने दुबै शो खाली खालीकै अवस्था छ । सायदै ज्वाइँ साबको लागी उपयुक्त समय तर्जुमा नभएर हुनसक्छ । यो संगै आजै अन्य हलहरुले पनि अग्रीम बुकिङ खुलाउने तयारी गरिरहेको छ ।
Discussion about this post