इटहरी/ अभिनेता दयाहाङ राई र अभिनेत्री मिरुना मगरको मुख्य भूमिका रहेको सुपरहिट फिल्म ‘जारी’ युट्युबमा सार्वजनिक गरिएको छ । गत वर्षको ब्लकबस्टर फिल्म ‘जारी’लाई बाँसुरी फिल्म्सको आधिकारिक युट्युब च्यानलमार्फत सोमबार दशैँको विशेष अवसर पारेर रिलिज गरिएको हो । उपेन्द्र सुब्बाको लेखन र निर्देशनमा बनेको यस फिल्मले लिम्बू संस्कृतिलाई जीवन्त रुपमा प्रस्तुत गरेको छ । हेर्नुस् पूरा फिल्म ।
फिल्ममा दयाहाङ र मिरुनासँगै अन्य चर्चित कलाकारहरु प्रेम सुब्बा, विजय बराल, रोयदीप श्रेष्ठ, रेखा लिम्बु लगायतकाको पनि विशेष अभिनय रहेको छ । ‘जारी’ले लिम्बू समुदायको विवाह संस्कार, सांस्कृतिक परम्पराहरुलाई यथार्थ ढंगले चित्रण गरेको छ । यो फिल्मले हलमा रिलिजका बेला व्यापारिक सफलता संगै ५१ औं दिन मनाउन सफल भएको थियो ।
Discussion about this post