इटहरी/ तिहारको अवसरमा लोकप्रिय गायक सुशान्त केसीले ‘बार्दली’ बोलको गीत सार्वजनिक गरेका छन् । जसमा सुशान्तले नेपाली सिनेमा उधोगका चर्चित सेलेब्रिटीहरूको सर्प्राइज इन्ट्री गराएर भिडियोलाई विषेश बनाएका छन् । उनले गीतमा अभिनेत्री स्वस्तिमा खड्का, निस्चल बस्नेत, आना शर्मा, र सृष्टि श्रेष्ठको विशेष उपस्थिति गराएका छन्, जसले भिडियो हेर्दैगर्दा फरक उत्साह थपिन्छ ।
यतिबेला यो भिडियो युट्युब नेपाल ट्रेन्डिङको म्युजिक क्याटोगरिको तेस्रो स्थानमा पुगेको छ । यो क्रम निरन्तर उकालो लाग्ने क्रममा छ । गीतमा सुशान्त केसी र इन्द्रकला राईको स्वर रहेको छ भने यसको रचना तथा संगीत स्वयं सुशान्तले तयार गरेका हुन् । यो म्युजिक भिडियोको निर्माण सुशान्त केसी र कोबिद बज्राले गरेका हुन्, जहाँ मुख्य भूमिकामा सुशान्त केसी र आकृति राजभण्डारी रहेका छन् । हेर्नुस् भिडियो ।
भिडियोमा सहायक भूमिकामा सशांक बोहरा देखिएका छन् । यो भिडियोलाई निर्देशन अन्जन लिम्बूले गरेका छन् भने सम्पादन अशोक अधिकारीले गरेका हुन् । भिडियोको नृत्य निर्देशन कृतिका बरालले गरेका हुन् । सार्वजनिक म्युजिक भिडियोमा ज्योति मगर, बिनु मोक्तान, तारा तामाङ, सुष्मिता कार्की लगायतका नृत्यकारहरुले कोरसमा नृत्य गरेका छन् । भिडियोको छायांकन होटल नाग पुखु र भक्तपुरको नाग पोखरी अवस्थित थलछेँमा गरिएको हो ।
Discussion about this post