इटहरी/ यहि बैशाख २१ गते अर्थात यो शुक्रवारबाट सार्वजनिक प्रदर्शनमा आअने फिल्म ‘मनसरा’को बुधबार ललितपुर अवस्थित लबिङ मलमा रहेको क्यूएफएक्स हलमा ग्राण्ड प्रिमियर सम्पन्न गरिएको छ । प्रिमियरमा फिल्मका कलाकारहरूसहित अन्य सेलेब्रेटीहरुको पनि बाक्लो उपस्थिति रहेको थियो ।
हरियो सारिमा सजिएर उपस्थित भएकी मनसराकी प्रमुख अभिनेत्री मिरुना मगर प्रिमियर कार्यक्रममा आकर्षणको पात्र बनेकि थिइन् । उनले आफ्नी आमालाई फिल्मी अभिनय करियरमा पहिलो पटक आफ्नी आमालाई प्रिमियरमा सहभागी गराउन पाउँदा दङ्ग थिइन् ।
फिल्ममा पुरुषमा हुने बाँझोपन र दोषको भागीदार समेत महिला बन्नुपर्ने सामाजिक यथार्थलाई चित्रण गरिएको छ । उपस्थित सम्पुर्णले फिल्मलाई सकारात्मक प्रतिक्रिया दिए । उपेन्द्र सुब्बाद्वारा निर्देशित चलचित्रमा दयाहाङ राई, मिरुना मगर, प्रविण खतिवडा र मेनुका प्रधानको मुख्य अभिनय रहेको छ । फिल्मको निर्माता छायाँकार शैलेन्द्रध्वज कार्की हुन् । यस्तै विष्णुकुमार लिम्बू, मनोरथ पोखरेल, पर्शु अधिकारी, पिटर गुरुङ तथा जीवन लिम्बू थाक्लुङ सह-निर्माता हुन् ।
Discussion about this post