इटहरी । बलिउड अभिनेत्री तापसी पन्नुले विवाह गरेकी छिन । उनले गत मार्च २३ मा आफ्ना प्रेमी र ब्याडमिन्टन खेलाडी मथियास बोसँग विवाह गरेकी हुन ।
सो विवाह उत्सव उदयपुरमा भएको थियो र जसमा निकै घनिष्टहरूको उपस्थिति रहेको थियो । पूर्व विवाह उत्सव मार्च २० देखि सुरु भएको थियो उनीहरुले विवाह समारोहलाई आफ्नो निजी मामिलाको रुपमा सीमित राख्न खोजेको देखिन्छ । शिख र इसाई परम्पराको मिश्रणअनुसार विवाह गरिएको इण्डियन एक्सप्रेसले जनाएको छ ।
विवाहको खबरका बीच तापसी र मथियासको विवाहमा निर्माता लेखक कनिका ढिल्लन र अभिनेत्री पावेल गुलाटीको तस्बिर सार्वजनिक भएको छ । ‘तापसीको ‘दोबारा थप्पड’ का सह–कलाकारहरू पावेल गुलाटी उनको र मथियासको विवाहमा पाहुनाहरूसँग सामेल भएका थिए।
Discussion about this post