इटहरी/साउथका सुपरस्टार विद्युत जामवाल र बलिउडकी डान्सर तथा अभिनेत्रि नोरा फतेहिको मुख्य भूमिका रहेको सिनेमा ‘क्रेक्क’को अफिसियल टीजर सार्वजनिक भएको छ । १ मिनेट २५ सेकेन्डको सार्वजनिक टीजरमा जितेगा तो जियेगा! भन्ने लाईनलाई फोकस गरिएको छ । ‘क्रेक्क’ सिनेमा आगामी वर्ष अर्थात् २३ फेब्रुअरी २०२४ बाट विश्वव्यापी रुपमा रिलिज हुँदैछ ।
आदित्य दत्तको लेखक र निर्देशन रहेको यस फिल्ममा रेहान खान, सरिम मोमिन र मोहिन्दर प्रताप सिंहको पटकथा/कथा/संवाद छ । विद्युत जामवाल र अब्बास सय्यद ‘क्रेक्क’का निर्माता हुन् भने सह-निर्माता: आदि शर्मा, सुनील कर्डा र आदित्य चोकसे तथा कार्यकारी निर्माता: अभिषेक नाम्बियार, अजय सिंह, अमलदेव दिवाकरण रहेका छन् ।
प्रदर्शनको तयारीमा रहेको यस फिल्मको मार्केटिङ र प्रवर्द्धनको कार्य हाकुहोडो इन्टरनेशनलका मा+थ (मार्चिङ एन्ट्स+ट्रिगर ह्याप्पी) सदस्य तथा प्रोडक्सन डिजाइनरको काम जुही तलमाकी हेरेका छन् । मिथुन, तनिष्क बागची, विक्रम मोन्ट्रोजको संगीत, मनोज मुन्ताशिर, शेखर अस्तित्वको शब्द तथा सोम्या चौहान, गेब्रिएला डेमेट्रिएड्स, अनुष्का तुगनाईत त्रुशलाको पोशाक डिजाइन रहेको सिनेमा ‘क्रेक्क’मा सन्दीप कुरुपको सम्पादन छ ।
Discussion about this post