इटहरी/ फिल्म ‘तेल भिषा’ को ट्रेलर सार्वजनिक भएको छ । यो फिल्म यहि आउँदो मङ्सिर ७ गतेबाट प्रदर्शनमा आउने तयारीमा छ । सुत्केरी बुहारी स्याहार्न अमेरिका पुगेकी एक नेपाली सासूको मार्मिक कथा समेटिएको यो ट्रेलरले दर्शकहरूको भावनामा गहिरो प्रभाव पार्न सक्ने संकेत देखाएको छ । इमोशनल कथावस्तु भएको फिल्महरूको बजारमा ‘तेल भिषा’ थप एक रुचिकार र विशेष फिल्म बन्ने सम्भावना छ ।
फिल्ममा विपिन कार्की दोहोरो भूमिकामा प्रस्तुत भएका छन् । जहाँ उनले बाबु र छोराको भूमिका निभाएका छन् । बाबुको रूपमा उनको शसक्त अभिनय ट्रेलरमा झल्किन्छ । पूजा चन्दले आमा र वर्षा राउतले श्रीमतीको भूमिका निर्वाह गरेकी छन्, जसले कथा र पात्रलाई थप गहिरो बनाएको छ । हेर्नुस् ट्रेलर ।
शंकर घिमिरेको निर्देशनमा तयार भएको यो फिल्ममा ऋचा घिमिरे, बुद्धि तामाङ्ग, फ्रान्सिस शेरमन, ज्याक बेल, सुचित्रा उप्रेती र अनिल पाण्डे लगायतका कलाकारहरूले अभिनय गरेका छन् । वेलडन क्रिएसनको ब्यानरमा बनेको ‘तेल भिषा’ का प्रस्तुतकर्ता ऋचा घिमिरे हुन् भने निर्माता अनिल पाण्डे र शिवराज कार्की रहेका छन् ।
Discussion about this post