इटहरी/ यहि कार्तिक ३० गतेदेखी सार्वजनिक प्रदर्शनमा आउने प्रतिक्षित नेपाली फिल्म ‘ह्रस्व दीर्घ’को ट्रेलर सार्वजनिक गरिएको छ । निता फिल्म्सको ब्यानरमा निर्मित यो फिल्मको निर्मात्री तथा प्रमुख अभिनेत्री निता ढुंगाना हुन् । अभिनेत्री निता यो फिल्मबाट निर्मातामा होमिएकी हुन् । सार्वजनिक ट्रेलर एक्सनले भरिपुर्ण देखिन्छ । साथै प्रेम, रोमान्स, विछोड र कमेडी पनि ट्रेलरमा देख्न सकिन्छ । यसर्थ फिल्म सबै वर्गका लागी फिट हुने देखिन्छ । ट्रेलर सार्वजनिक पश्चात् धेरैले सकारात्मक प्रतिक्रिया देखाईरहेका छन् भने फिल्मको हाईप यो ट्रेलरका कारण अझै बढेको छ ।
यो फिल्ममा नेपाली र दक्षिण भारतिय स्टार कलाकारहरूको प्रमुख भुमिकामा अभिनय रहेको छ । सार्वजनिक ट्रेलरमा नेपाल र भारतका कलाकारहरूको तालमेल गज्जबको लाग्छ । ‘हरि’ अर्थात हरिहर अधिकारी र ‘नारायणी’ अर्थात निता ढुंगानाको जोडीले प्रेम सम्बन्धको रक्षाको लागि गर्ने संघर्षको कथावस्तु यो फिल्मले प्रस्तुत गर्ने बुझ्न सकिन्छ । ‘ह्रस्व दीर्घ’को कार्यकारी निर्माता धनञ्जय गलानी रहेका छन् भने निर्देशक चन्द्र पन्त हुन् । हेर्नुस् ट्रेलर ।
फिल्मको कथा र पटकथा हरिहर अधिकारीले तयार पारेका हुन् भने संवाद प्रतीक पौडेलको रहेको छ । यो फिल्मलाई बलिउडका छायांकार कबीर लालले छायांकन गरेका छन् । यो फिल्म नेपालमा नेपाली र हिन्दी दुबै भाषामा प्रदर्शन हुने भएको छ भने नेपाल र भारतबाहेकका मुलुकमा भने एकसातापछि ल्याउने तयारी छ । यो फिल्म १४ जापानी सहरमा ७ डिसेम्बरदेखि रिलिज हुँदैछ ।
फिल्ममा फिल्ममा हरिहर अधिकारी र निता ढुंगानाको अलावा प्रदीप रावत, ब्रम्हानन्द, बिपना थापा, सुनिल वर्मा, मोहम्मद अली, कबीर दुहान, रेखा थापा, सरोज खनाल, संचिता लुइँटेल, किरण केसी, रबिन्द्र झा, बुद्धि तामाङ, निर्मल शर्मा, विशाल पहारी, सरदा गिरी, प्रशान्त ताम्राकार, नरेन खड्का, गजित बिष्ट, गरिमा शर्मा, आदर्श मिश्र, लक्ष्मी पौडेल, वसीम रजा, अग्रिम पण्डित, एभेलिना खड्का र नवारिद्धी ढुंगाना लगायतका कलाकारहरूको अभिनय रहेको छ ।
फिल्ममा रामजी लामिछाने र सुष्मा सुनामको कोरियोग्राफी रहेको छ भने एक्शन दृश्यहरूलाई राजु तामाङले निर्देशन गरेका छन् । संगीतमा प्रतीक पौडेल, सम्राट न्यौपाने, यश कुमार, अलीश कार्की, विशाल निरौला, बबुल गिरी र दुर्गेश थापा रहेका छन् । फिल्मका गीतहरुमा सुगम पोखरेल, बबुल गिरी, केतन क्षेत्री, दुर्गेश थापा, मेनुका पौडेल, सदिक्षा कट्टेल, रोजिना बस्नेत, साइमा श्रेष्ठ र विशाल निरौलाले स्वर दिएका छन् ।
यस फिल्मको छायांकन भारतको चर्चित रामोजी फिल्म सिटिमा गरिएको हो । यो फिल्मको भारतीय टिम अन्तर्गत मिथिलेश तिवारी लाइन प्रोड्युसरको भूमिकामा रहेका छन् भने हैदराबाद लाइन प्रोड्युसर अनिल कुमार शर्मा रहेका छन् । फिल्म निर्माणमा ६ करोड लगानी लागेको निर्माता ढुंगानाले बताईन् । फरक स्वाद पस्किदै ‘ह्रस्व दीर्घ’ले नेपाली र भारतीय कलाकारहरूको समावेशीसँगै नेपाली फिल्मलाइ अन्तर्राष्ट्रिय स्तरमा चिनाउन ठुलो योगदान गर्ने देखिन्छ ।
Discussion about this post