इटहरी/ दक्षिण भारतकी चर्चित लोकप्रिय अभिनेत्री रेन्जुशा मेननको मृत्यु भएको छ । भारतीय सञ्चारमाध्यम एनडिटिभीका अनुसार मलयालम फिल्ममा चर्चा कमाएकी ३५ वर्षीय अभिनेत्री रेन्जुशा आफ्नै फ्ल्याटमा मृत फेला फरेकी हुन् । सोमबार बिहान अबेर सम्म ढोका नखोले पछि परिवारले जबर्जस्ती ढोका खोल्दा अभिनेत्री रेन्जुशा झुन्डिएको अवस्थामा फेला परेकी थिइन् । आत्महत्याको खबर थाहा पाउने बितिकै तुरुपनयन पुरमको श्री कार्यम पुलिस घटना स्थल पुगेका हुन् । र अनुसन्धान गरिरहेको बताए ।
उक्त फ्ल्याटमा अभिनेत्री रेन्जुशा आफ्नो श्रीमान मनोज र परिवारसंगै बस्थिन । उनका श्रीमान पनि एक अभिनेता हुन् । खबरहरूका अनुसार रेन्जुशा पछिल्लो समय तनावमा थिइन् । रेन्जुशाको शव पोस्टमर्टमका लागि पठाइएको छ । उनको आत्महत्याको कारण भने अझै बाहिर आएको छैन । उनि आफ्नो को-एक्ट्रेस सग बिभिन्न रील बनाएर पोस्ट गर्थिन । उनले आत्महत्या गर्नु पुर्ब २९ अक्टोबरको पनि एउटा रील शेयर गरेकी थिन ।
आत्महत्या गरिएको देखिए पनि प्रहरीले यसबारे थप अनुसन्धान गरिरहेको एनडिटिभीले लेखेको छ । टिभी हुँदै फिल्मी करिअर बनाएकी रेन्जुशा अभिनेत्रीका साथै निर्माता र क्लासिकल नृत्यंगना पनि थिइन् । उनले ‘सिटी अफ गड’, ‘बम्बई मार्च’, ‘कार्यास्थन’, वान वे टिकेट’, ‘अथभुता द्विपु’ लगायत फिल्ममा काम गरेकी छन् ।
Discussion about this post