इटहरी/ सार्वजनिक कार्यक्रमहरुमा आमन्ने सामन्ने हुँदा समेत बोलचाल नगर्ने सेलेब्रेटी नेपालमा मात्रै हैन, नेपाल बाहिर पनि छन् । जुन कुराको पछिल्लो उदाहरण हो, विश्वकै स्टार फुटबलर क्रिस्टियानो रोनाल्डो र बलिउडका दबंग सुपरस्टार अभिनेता सलमान खान आमन्ने सामन्ने हुँदा बोलचाल नहुनु । शनिवार राति साउदी अरबको रियादमा ह्याबी वेट बक्सिङ हेर्न यी दुबै स्टार पुगेका थिए । दुबै एकै पंक्तिको कुर्सीमा नजिकै बसेका थिए ।
सलमान एकातिर बसेका थिए भने रोनाल्डो अर्को तिर बसेका थिए । यी २ को बिचमा भने रोनाल्डोको गर्लफ्रेन्ड बसेकि थिइन् । सार्वजनिक भिडियोहरुमा यति नजिकै रहँदा समेत दुबैजनाको बोलचाल भएको देखिदैन । गर्लफ्रेन्डसंगै रोनाल्डो देखिएका थिए भने सलमान भने एक्लै देखिन्थे । शनिवार रियादमा वर्तमान डब्लु.बि.सी. च्याम्पिएन टाइसन फ्युरी र पुर्ब यु.एफ.सी. च्याम्पिएन फ्रान्सेस एन गानो बीच प्रतिस्पर्धा भएको थियो ।
सामाजिक संजालमा भाइरल भिडियोहरुमा सबैको ध्यान रोनाल्डो तर्फ केन्द्रित भएको देखिन्छ । एकै फ्रेममा देखिँदा र संगै रहदा समेत बोलचाल नहुनुले यी दुबैको प्रसंसकहरुले सामाजिक संजालमा आ-आफ्नो तर्क प्रस्तुत गरिरहेका छन् । यस्तैमा भारतीय मिडियाहरुले भने सलमानले रोनाल्डोलाई वास्ता नगरेको भनिरहेका छन् । तर विश्वले चिन्ने रोनाल्डोलाई सलमानले वास्ता नगरेको कि रोनाल्डोले नचिनेको भन्ने तर्क वितर्क भैरहेको छ ।
Discussion about this post