इटहरी/ गायिका रचना रिमालको चर्चा उनको स्वरका कारण त छदैछ । उनले अन्तर्वार्ता तथा अन्य ठाउँमा कुरा गर्दा दिने जवाफले पनि राम्रै चर्चा पाउने गर्छ । अब उनी उमेरले पनि ठुली पनि भइन् । यो भन्नुको कारण, उनको प्रेम चर्चा सुरु भएको छ । हुनत सेलेब्रेटीहरुको प्रेम, विवाह, हनिमुन र डिभोर्सको चर्चा खासै नौलो हैन । तर, रचनाको हकमा यो कुराहरु नयाँ नयाँ भएको कारण मिडियाको नजरमा पनि केही बिशेष पक्कै बन्छ । गायिका रिमाल क्रीकेटको ठूलो फ्यान हुन्, क्रीकेटमात्रै हैन उनी हरेक खेलको फ्यान हुन् भन्दा फरक नपर्ला ।
सामाजिक संजालमा नेपाली खेलाडीहरुको प्रोत्साहन स्वरुप स्ट्याटस पोस्ट गरिरहेकी हुन्छन् । तर, पछिल्लो समय उनको टिकटकमा एकपछी अर्को गर्दै नेपाली क्रीकेटर ललित राजबंशीसंगको भिडियो पोस्टले उनको प्रेमचर्चा सुरु भएको हो । अब यो प्रेम चर्चा मात्रै हो कि साच्चै नै हो भन्ने कुरा भने उनी नै जान्दछिन् । हाम्रो प्रश्नमा पनि उनले सिधै हैन भन्ने जवाफ दिइन् । तर, भिडियोमा क्रीकेटर ललितलाई मेन्सन र लभ इमोजीसमेत राख्दा भने धेरैले यी २ को प्रेम झाङिदै गएको अड्कल गरेका छन् । यस्तै मंगलबार बेलुका ललितले फेसबुकमा एक ट्याटस लेखे । हेर्नुस् यो समाचारसंग सम्बन्धित भिडियो ।
जहाँ भारतीय चर्चित युवा उद्यमी अनुपम मित्तलले ललितलाई क्रिकेट ब्याट उपहार दिनेबारेको जवाफ सहितको स्ट्याटस रहेको थियो । त्यो स्ट्याटस पोस्ट गर्ने बित्तिकै रचनाले स्ट्याटसको केही भाग कपि पेस्ट गर्दै शेयर गरेपछी प्रेम चर्चा झनै चलेको छ । एकातर्फले यी २ को जोडि राम्रो सुहाएको प्रतिक्रिया दिएका छन् भने अर्को तर्फ सबैलाई दादा भनेर सम्बोधन गर्ने रचनालाई धेरै सामाजिक संजाल प्रयोगकर्ताहरुले ललितलाई पनि दादा भनेको हेर्ने चाहना ब्यक्त गरेका छन् । अब उनले दादा भनेर आफ्ना फ्यान तथा संजाल प्रयोगकर्ताको चाहानालाई पूरा गर्छिन् कि आफ्नै चाहना अर्थात हाल चलेको प्रेम चर्चालाई हो भनेर स्विकार्छिन् ? त्यो भने आगामी दिनले पक्कै बताउला ।
Discussion about this post