इटहरी/ नेपालको सबैभन्दा ठूलो धनराशी १ करोड पुरस्कार राखिएको दुई रियालिटी सो ‘मेरो भ्वाईस यूनिर्भस’ र ‘मेरो डान्स यूनिर्भस’को ग्राण्ड फिनाले आज शनिबार ललितपुरमा हुँदैछ । ग्राण्ड फिनाले ललितपुरको गोदावारी स्थित अन्तर्राष्ट्रिय सम्मेलन केन्द्रमा बेलुकी पाँच बजे देखि गर्न लागेको प्रतियोगिता आयोजक इन्ट्रा नेपाल वेलफेयर फाउन्डेशनले जनाएको छ । ३० एपिसोड सम्म प्रसारण भईसकेको मेरो भ्वाईसको टप फाईभमा सिक्किमबाट शिशिर ठटाल र प्रितम राई पर्न सफल भएका छन भने दार्जेलिङबाट साईराज खाती तथा नेपालबाट परेश राई र शरद हुमागाईको अन्तिम प्रतिष्पर्धा रहने छ ।
त्यसैगरी मेरो डान्स यूनिभर्स तर्फ मिङा डि लेप्चा सिक्किम, खुसी कार्की थाईल्याण्ड, देवी गर्वुजा मगर बेल्जियम र नेपालबाट नेशन सुस्लिङ मगर, साजन गुरुङ तथा स्वस्तिक अर्याल मध्ये कुनै पाँच जना बीच आज अन्तिम प्रतिष्पर्धा रहने छ । यि दुवै रियालिटी शोमा प्रमुख बिजेताले १ करोड पाउँनेछन भने उप-विजेताले ३० लाख र तेश्रो हुनेले २० पुरस्कार पाउँनेछन् । एलन श्रेष्ठको निर्देशनमा निर्मित यि दुवै कार्यक्रमको प्रसारण ३ महिनासम्म भएको थियो जसमा संसारभर छरिएर रहेका नेपाली र नेपालभाषीको सहभागिता रह्यो ।
केही दिनअघि यी प्रतियोगिताहरुको बारे जानकारी गराउने उद्देश्य सहित पत्रकार सम्मेलन समेत गरिएको थियो । जसमा मेरो भ्वाईस तर्फ जज बनेका बरिष्ठ गायक दीप श्रेष्ठले कार्यक्रममा प्रतियोगीले उठाएको साँस्कृतिक पक्ष मात्र नभई कार्यक्रम निकै अब्बल रहेको दावी गरे । त्यसैगरी डान्स यूनिभर्सको तर्फबाट जज बनेकी अभिनेत्री मिथिला शर्माले प्रतियोगीले नेपाली संस्कृतिलाई राम्रोसँग प्रस्तुत गरेको भन्दै यो मञ्चमा आउँनै नै जीत हो भन्दै प्रतियोगीको तारिफ गरेकी थिईन् । दुई रियालीटि शोको डान्स तर्फ मिथिला बाहेक शंकर विसी, दीलिप रायमाझी, प्रियंका कार्की, केकी अधिकारी र नरमान राई र गेष्ट जजमा ऋचा शर्मा थिईन् भने होस्टमा नरेश भट्टराई र सुनिता गुरुङले लिड गरेका थिए । यसैगरी भ्वाईस तर्फ दीप श्रेष्ठ सहित सुरेश अधिकारी, अञ्जु पन्त, शिव परियार, पुष्पन प्रधान, सुजता बर्मा छन्, जुन कार्यक्रमलाई रिमा विश्वकर्मा र सन्दीप क्षेत्रीले होस्ट गरेका छन् ।
Discussion about this post