इटहरी/ सौन्दर्या प्रतियोगिता ‘मिस ग्राण्ड नेपाल’को छैठौं संस्करण आयोजना हुने भएको छ । आयोजक आरके इन्टरटेन्मेन्टले हरेक वर्ष अन्तर्राष्ट्रिय स्तरमा यो प्रतियोगिताको माध्यमबाट प्रतिनिधित्व बढाउदै गैरहेको छ । आयोजकका अनुसार यो छैठौं संस्करणमा ‘मिस ग्राण्ड वर्ल्ड’, ‘मिस औरा इन्टरनेसनल’, ‘फेस अफ ब्युटी इन्टरनेसनल’, ‘मिस ल्याण्डस्केप इन्टरनेसनल’, ‘मिस मल्टिनेसनल’ सहित १२ ओटा टाईटलका लागी सुन्दरीहरु छनौट गरिने छ । जसले देशको प्रतिनिधित्व गर्दै अन्तर्राष्ट्रिय स्तरका सौन्दर्य प्रतियोगीतामा सहभागीता जनाउने छन् ।
सहभागिताका लागी इच्छुक महिलाले यहि असार १० गते भित्र आवेदन दिइसक्नुपर्ने आयोजकको भनाई छ । सुन्दरीहरुको शारीरिक सौन्दर्यता र बौद्धिक सौन्दर्यतालाई प्राथमिकतामा राखेर उनिहरुमा लुकेका प्रतिभालाई ‘मिस ग्राण्ड नेपाल’ यो वर्ष नौलो र सुधारात्मक हिसाबले आयोजना गरिने बताईएको छ । यो प्रतियोगितामा सहभागी हुँदै २०२२ मा नेपालले औरा इन्टरनेसनलको उपाधी समेत हात पारिसकेको छ । छैटौं संस्करणका लागी इच्छुकले अनलाइन फारम भर्नुपर्ने छ । जुनसुकै ठाउबाट मोबाइल एप प्रयोग गरि भर्न सकिने अनलाइन फारम शुल्क ५ सय राखिएको आयोजकले जनाएको छ । अनलाइन फारम भर्नको लागी आफ्नो मोबाइलमा ‘खल्ती’ एप हुनु आवस्यक छ ।
उक्त एप ओपन गरि रजिस्ट्रेसन अप्सनमा गएर त्यहाँ देखिने ‘मिस ग्राण्ड नेपाल’को लोगो क्लिक गरि फारम भर्न सकिने छ । अथवा यो http://kk5.io/Miss_Grand_Nepal-2023_Registration लिन्क क्लिक गरेर सिधै फारम भर्ने स्थानमा पुग्न सकिने छ । त्यसपस्चात मेगा अडिसन काठमाडौमा गरिने छ । अडिसनबाट छनौट भएकाहरुलाई ४५ दिन विभिन्न सौन्दर्यता तथा बौद्धिक तालिमहरु प्रदान गरिने छ भने साउनको अन्तिम साता ‘मिस ग्राण्ड नेपाल’ छैटौं संस्करणको ग्राण्ड फिनाले गर्ने आयोजकको तयारी रहेको छ । बिजेताहरुले नगद पुरस्कारसंगै स्कुटर, ब्राण्ड एम्बास्डर, अभिनेत्री हुने मौका सहित अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्दै सहभागीता जनाउने मौका पाउने आयोजकको भनाई छ ।
Discussion about this post