इटहरी/ मोडल काजल कर्ण र राजीव समरको प्रमुख भूमिका रहेको मैथिली गीत सार्वजनिक गरिएको छ । ‘माने ना जिया’ बोलको सो गीतलाई त्रिकोण इन्टरटेनमेन्टले प्रस्तुत गरेको हो । सार्वजनिक गीतलाई सुमित मलिक र कृशला चौधरीले गाएका छन् । यो गीतलाई श्याम किशोर मण्डलले लेखेका हुन् भने उनलाई प्रशान्त अरविन्दले गीत लेखनमा सघाएका छन् । सुमित मलिककै कम्पोजमा रहेको गीतमा सुयोग महतोको संगीत संयोजन छ ।
भिडियोमा काजल र राजीवको प्रेमकथालाई आकर्षक ढङ्गले प्रस्तुत गरिएको छ । मन्दिरको पेटीमा फूल बेचिरहेकी काजल र गम्छा भिरेका राजीवको प्रेम, रोमान्स र संघर्षलाई भिडियोमा समेटिएको छ । यी २ को क्यामेस्ट्री भिडियोमा मज्जैले जमेको छ । नेपाली म्युजिक भिडियोहरुमा निकै लोकप्रिय रहेका राजिवले थुप्रै म्युजिक भिडियोमा हिरो-हिरोइनलाई निर्देशन गरिसकेका छन् । उनले यसअघि ‘डान्सिङ विथ स्टार्स’जस्ता शोहरूमा पनि कोरियोग्राफि गरिसकेका छन् । हेर्नुस् भिडियो ।
काजलले पनि दुई दर्जनभन्दा बढी म्युजिक भिडियोमा अभिनय गरिसकेकी छन् । भोजपुरी तथा मैथिली म्युजिक भिडियो उधोगका उनी लोकप्रिय मोडल हुन् । सार्वजनिक गीतको भिडियोमा सिनेमाटोग्राफी सागर यादवले गरेका छन् भने सुप्रिम पराजुलीको सम्पादन तथा कलर संयोजन रहेको छ । काजल कर्ण यो गीतकी निर्माता हुन् भने राहुल कर्ण सह-निर्माताको भूमिकामा छन् । राजीव समरको निर्देशन र कोरियोग्राफीमा यो भिडियोमा रहेको छ ।
Discussion about this post