आकाशको साथ माग्दै करुणा

इटहरी/ अभिनेता आकाश श्रेष्ठ र अभिनेत्री करुणा श्रेष्ठको रोमान्टिक अभिनयले सजिएको नयाँ गीत ‘देउन साथ’ सार्वजनिक भएको छ । यो गीतमा अमेरिकामा बसोबास गर्दै नेपाली संगीतमा निरन्तर योगदान दिइरहेकी चर्चित गायिका रानी शाक्यको सुमधुर स्वर सुन्न सकिन्छ । सेमी क्लासिकल शैलीमा बनेको यो गीतमा नारायण वावुले शब्द र संगीत भरेका छन् । गीतलाई सन्दिप कार्कीले एरेन्ज गरेका छन् । जसले गीतलाई थप कर्णप्रिय बनाएको छ ।

सार्वजनिक गरिएको यो गीतको भिडियोमा आकाश र करुणाको जोडीलाई प्रेमपूर्ण दृश्यहरूमा प्रस्तुत गरिएको छ । भिडियोको निर्देशन प्रहिल कार्कीले गरेका हुन् भने कोरियोग्राफी नम्रता केसीले सम्हालेकी छिन् । हरि हुमागाईँले गीतको छायांकन गरेका छन् । जसले दृश्यलाई आकर्षक र जीवन्त बनाएको छ । सम्पादन माधव वेलवासेको रहेको छ । हेर्नुस् भिडियो ।

रानी शाक्य नेपाली संगीत उद्योगमा एक स्थापित नाम हो । उनले यसअघि पनि दर्जनौं लोकप्रिय गीतहरू दर्शक र श्रोतामाझ ल्याइसकेकी छिन् । उनले प्रस्तुत गर्ने गीतहरूमा प्रायः नेपाली शास्त्रीय र आधुनिक संगीतको मिश्रण पाइन्छ, जसले गर्दा उनको शैली विशेष मानिन्छ । ‘देउन साथ’ गीत पनि यसै परम्परालाई निरन्तरता दिँदै श्रोताहरूबाट सकारात्मक प्रतिक्रिया पाइरहेको छ ।