इटहरी/ नेपाल प्रहरीका प्रवक्ता डिआइजी दानबहादुर कार्कीले दसैँको अवसरमा आफ्नो नयाँ गीत ‘दसैँ रमाइलो’ सार्वजनिक गरेका छन् । कार्कीले लेखेको यो गीतलाई गायक राजेशपायल राई र मेलिना राईले स्वर दिएका छन् । संगीतकार दीपक शर्माले संगीत भरेका यस गीतलाई श्यामस्वेत रसाइलीले एरेन्ज गरेका छन् ।
गीतको भिडियोमा अभिनेत्रीहरू दीपाश्री निरौला, प्रियंका कार्की र सरोज ओलीले अभिनय गरेका छन् । उनीहरूलाई दसैँको पारम्परिक शैलीमा टीका र जमरा लगाएर नाच्दै देख्न गरेको देख्न सकिन्छ। करणसिंह चासिरले छायांकन गरेको यो भिडियोको सम्पादन भुपेन्द्र अधिकारीले गरेका हुन् भने कोरियोग्राफी र निर्देशन जेरी भण्डारीले गरेका छन् । हेर्नुस् भिडियो ।
गीतकार कार्कीका अनुसार ‘दसैँ रमाइलो’ले नेपालीहरुको महान चाड दसैँको सांस्कृतिक महत्वलाई उजागर गर्नुका साथै, दसैँ मनाउन नपाउने नेपालीहरूको अवस्थालाई पनि प्रतिनिधित्व गरेको छ । “यस गीतले दसैँको उमङ्गलाई प्रस्तुत गर्दै दर्शकलाई नाच्न प्रेरित गर्नेछ,” कार्कीले भने।
Discussion about this post