छाता ओढाइदेउन भन्दै गायिका रस्ना पौडेलसंग रमेश उप्रेतीको रोमान्स

इटहरी/ ‘छाता ओढाइदेउन’ बोलको म्युजिक भिडियो हालै सार्वजनिक भएको छ । सो गीतमा गायिका रस्ना पौडेल र गायक तथा चर्चित संगीतकार अर्जुन पोखरेलको सुमधुर युगल गायन समावेश गरिएको छ । डान्सिङ शैलीमा बनेको यो गीतमा शब्द, संगीत र संगीत संयोजन सबै अर्जुन पोखरेलकै रहेको छ ।

म्युजिक भिडियोमा अभिनेता रमेश उप्रेती र गायिका रस्ना पौडेलले अन्स्क्रिन प्रेम र रोमान्स गरेका छन् । उप्रेती र पौडेलको अभिनय र भावनात्मक प्रस्तुतीकरणले भिडियोको प्रस्तुतीकरणलाई जीवन्त बनाएको छ । भिडियोको छायांकन श्याम तामाङले गरेका हुन् भने भिडियोलाई विकाश दाहालले सम्पादन गरेका छन् । हेर्नुस् भिडियो ।

भिडियोलाई निर्देशन भने मौसम हिमालीले गरेका छन् । सार्वजनिक ‘छाता ओढाइदेउन’ म्युजिक भिडियो ओएसआर डिजिटलको युट्युब च्यानल मार्फत सार्वजनिक गरिएको हो । यो भिडियोले दर्शकहरूको तर्फबाट सकारात्मक प्रतिक्रिया प्राप्त गरिरहेको छ । युट्युबमा सार्वजनिक भएको छोटो समयमै भिडियोलाई धेरैले रुचाएका छन् ।