इटहरी/ लोकप्रिय गायक राजु लामाको नयाँ म्युजिक भिडियो ‘प्रेम रोग’ सार्वजनिक भएको छ । यो गीतको भिडियो राजु लामाको युट्युब च्यानल ‘राजु लामा मंगोलियन हर्ट’ मार्फत रिलिज गरिएको हो । गीतमा शब्द, संगीत, र स्वर राजु लामाको आफ्नै रहेको छ भने संगीत संयोजन, मिक्सिङ र मास्टरिङ्ग बिट्टु (सञ्जल भण्डारी) ले गरेका छन् ।
भिडियोलाई पवन सुस्लिङले छायांकन, सम्पादन र कलर गरेका छन् । सार्वजनिक गीतको भिडियोमा गायक स्वयं र करिश्मा श्रेष्ठले अभिनय गरेका छन् । भिडियोको निर्देशन सोनाम पाख्रिनले गरेका छन् भने कोरियोग्राफी सुजन आले मगरले गरेका हुन् । हेर्नुस् भिडियो ।
भिडियोमा मेकअप आर्टिस्टको रूपमा श्रृष्टि थापा मगरले काम गरेकी छिन् । प्रेमको गहिरो भाव र संवेदनालाई यो गीतले प्रस्तुत गर्छ । ‘प्रेम रोग’ गीतले एक युवकको गहिरो प्रेमकथालाई प्रस्तुत गर्छ । उक्त प्रेमकथामा युवक आफ्नो मायालुसँग यसरी जोडिएको छ कि उसको सम्पूर्ण अस्तित्व प्रेमकै वरिपरि घुम्छ । प्रेमको गहिराइमा हराएको यो युवक आफ्नो प्रेमिकाको लागि पागलपनको स्तरमा पुगिसकेको छ र गीतले त्यही भावना प्रस्तुत गरेको छ ।
Discussion about this post