इटहरी/ हालै सम्पन्न दोश्रो विराट म्युजिक एण्ड फिल्म अवार्डबाट मोडल सुमित जँग थापाले बेस्ट मोडल मेल ‘लोक’ विधा अन्तर्गत अवार्ड हात पारेका छन् । यो अवार्डका लागी थापासंगै भुवन के पोखरेल, दुर्गेश थापा, बिशाल श्रेष्ठ र अमृत भारति नोमिनेसनमा परेका थिए ।
सेलेब्रेटी प्रतिष्ठान नेपालको आयोजना भएको अवार्ड कार्यक्रममा दावेदारी ४ जनालाई नै उछिन्दै उनले ‘धोका खाए’ बोलको गीतबाट अवार्ड हात पारेका हुन् । एक वर्ष अघि उनको अभिनयमा सार्वजनिक ‘धोका खाए’ बोलको गीतको भिडियोलाई १६ लाख भन्दाबढी पटक युट्युबमा हेरिएको छ ।
वियोगान्त भावमा निर्माण भएको गीतमा उनिसंगै रोशनी कार्की, रोयल प्रीन्स सिंह र युवराज अधिकारीको अभिनय रहेको छ । भिडियोमा आयुष छेत्रीको निर्देशन रहेको छ । रोशन सिंहले लेखेको तथा संगीत भरेको गीतमा प्रविशा अधिकारी र रोशन सिंहको स्वर सुन्न सकिन्छ ।
Discussion about this post