दर्जनौं सौन्दर्यकलाकर्मीहरुमाझ स्टिल्ला र एनप्लसले इटहरीमा गर्यो मास्टर सेमिनार

इटहरी/ सौन्दर्य सामग्रीहरु उत्पादन तथा बिक्रीवितरण गर्ने भारतको स्टिल्ला र नन्दिनी अर्गानिक अन्तर्गत एनप्लसले बिहिवार इटहरीमा मास्टर सेमिनारको आयोजना सम्पन्न गरेको छ । पछिल्लो समय नेपालमा बजार बिस्तार गर्दै गैरहेको एनप्लस र स्टिल्लाले इटहरी सहित कोशी प्रदेशको दमक र बिर्तामोडमा गरि ३ ठाउँमा यो सेमिनारको आयोजना गर्दैछ । इटहरीपछि दमकमा ९ गते शुक्रवार र बिर्तामोडमा १० गते शनिबार यो सेमिनारको आयोजना गरिदैछ ।

बुधबार इटहरीको दुर्गा पार्टी प्यालेसमा आयोजना भएको सेमिनारमा इटहरी, धरान, बिराटनगर, लेटाङ, बिराटचोक, बेलबारी लगायतका ठाउँहरुबाट दर्जनौं ब्युटिसियनहरु तथा नयाँ पुराना मेकअप आर्टिस्टहरु भेला भएका थिए । औपचारिक कार्यक्रमसहित आयोजना भएको सेमिनारको सभाध्यक्ष फेयर ब्युटी सपका संचालिका तथा सौन्दर्य कला व्यबसायी संघ सदस्य बबिता श्रेष्ठ रहेकी थिइन् । यस्तै विशिष्ट अतिथिको रुपमा स्टिल्लाका प्रबन्ध निर्देशक प्रदिप चाप्डा रहेका थिए । सेमिनारको चाप्डाले उद्घाटन गरेका थिए । सेमिनारमा उपस्थित ब्युटिसियन तथा मेकअप आर्टिस्टहरुलाई विशेषगरि ब्राईडल र हलिउड मेकअपमा नयाँ र छिटोछरितो शैलीको बारेमा प्राक्टिकल्ली देखाईएको थियो ।

मास्टर सेमिनारका लागी भारतबाट आएकी मनिसा गवानिले उपस्थित सौन्दर्यकलाकर्मीहरुलाई आफ्नो सीप बाँढेकी थिइन् । गवानी अन्तर्राष्ट्रिय मेकअप प्रशिक्षक तथा कस्मेटोलोजिस्ट हुन् । उनी विगत १२ वर्षदेखी सौन्दर्य कला प्रशिक्षकको रुपमा रहेकी छन् । नेपालमा एनप्लस र स्टिल्लालाई भित्र्याईएको ३ वर्षको अवधिमा धेरैले मनपराईदिनु भएकोमा अझै यसको बजार विस्तार गर्नको लागी र यसले गर्ने फाईदामुलक काम देखियोस भन्नको लागी यो सेमिनारको आयोजना गरिएको एनप्लसका नेपाल सेल्स म्यानेजर पदम शर्माले जानकारी गराए ।