सानो पर्दादेखि ठूलो पर्दासम्म सहकार्यले निरन्तरता पाएको दीपकराज गिरी र दीपाश्री निरौला (दीपक–दीपा)को जोडीको सिने क्षेत्रमा विशिष्ट स्थान छ । दर्शकको पनि राम्रो साथ पाएको कुरा उनीहरूले निर्माण गरेको फिल्म ‘छक्का पञ्जा’का श्रृंखलाले नै प्रष्ट पार्छ ।
छक्का पञ्जा १, २ र ३ दीपाले निर्देशन गरेकी हुन् । यी फिल्ममा दीपकको नाम नायक र निर्माताका भूमिका सीमित छ । सोही कारण यो टिमलाई दीपकले निर्देशन गरे पनि दीपाको नाम निर्देशकका रूपमा राखिएको फिल्म निर्माण गरिएको आरोप लागेको छ । नेपाल अन्तर्राष्ट्रिय फिल्म महोत्सवको ‘निर्देशक हराएको सूचना’ अन्तरक्रियामा दीपकले यो आरोप तथ्यहीन भएको दाबी गरे । यसरी टिप्पणी गर्नु निर्देशक प्रतिको अन्याय रहेको उनको ठहर छ ।
दीपक यो कुरा चाहिँ निर्देशक प्रतिको अन्याय हो भन्छन् । दीपा को नाम मात्र हो दीपकले निर्देशन गर्छ भन्ने प्रतिक्रिया पहिलादेखि नै सुन्दै आएको र यो कुराले दीपालाई जति नराम्रो लाग्छ त्यो भन्दा बढी दीपकलाई लाग्ने बताउछन् । छायांकनको क्रममा आफूले आवश्यक र विज्ञता राख्ने विषयमा निर्देशकलाई सल्लाह दिने आफ्नो बानी रहेको उनले बताए । उनले ‘सिनेमा भनेको सामूहिक कार्य हो र सिनेमा हाँक्ने काम निर्देशक हो । फिल्म राम्रो होस् भनेर म दीपा होस् वा अन्य निर्देशक सबैलाईआफुले सल्लाह दिइरहने कुनै दृश्यका बारेमा फरक सोच आयो भने निर्देशकलाई भन्ने , तर हस्तक्षेप नगर्ने उनले बताए ।
Discussion about this post