इटहरी / सन् २०२४ मा दक्षिण भारतबाट एउटा फिल्म आउन लागेको छ, जसले पुष्पा, केजीएफ र कान्ताराजस्ता फिल्मलाई कडा टक्कर दिने देखिन्छ । केही समयअघि जब यो फिल्मको पहिलो झलक रिलिज भएको थियो, तब केही ठूलो हुने संकेत देखिएको छ ।
यो फिल्मको नाम ‘कटनार–द वाइल्ड सोर्सर’ हो । ‘कटानार’ मलयालम फिल्म हो, जसलाई रोजिन थोमसले निर्देशन गर्दैछन् । कटनार १४ भाषामा रिलिज हुने तयारीमा छ, जसअनुसार अंग्रेजी, तमिल, तेलुगु, हिन्दी, बंगाली, कन्नड, चाइनिज, फ्रेन्च, कोरियन, इटालियन, रुसी, इन्डोनेसियाली र जापानीज भाषामा यो फिल्म प्रदर्शन हुनेछ ।
यसका लागि विशेष तयार पारिएको ४५ हजार स्क्वायर फुटको स्टुडियोमा यो फिल्मको छायांकन गरिएको छ । कटानारको बजेट करिब ९० करोड रुपैयाँ रहेको बताइएको छ । यो फिल्मको पहिलो झलकमा देखिएका ग्राफिक्स साच्चिकै उत्कृष्ट छन् ।
अब यो डरलाग्दो फिल्ममा साउथकी एक ठूला अभिनेत्री अनुष्का शेट्टी देखिने भएकी छिन् । त्यसयता फिल्मलाई लिएर दर्शकमाझ उत्साह छाएको छ । सन् २००५ मा आफ्नो फिल्मी करियर थालेकी अनुष्काले तमिल र तेलुगु फिल्महरुमा काम गरेकी छिन् तर मलयालम फिल्ममा उनी पहिलो पटक काम गर्दैछिन् ।
यो फिल्ममा अनुष्का शेट्टीका साथै जय सूर्या र विनीत पनि देखिने छन् । यसरी फिल्म ‘कटानार’ को स्टारकास्ट निकै बलियो बनेको छ ।
आफ्नो इन्स्टाग्राममा एक तस्विर सेयर गर्दै अनुष्का शेट्टीले -`कटनारको संसारमा प्रवेश , द वाइल्ड सोर्सर।´ भनेर लेखेकी छिन् । एकपटक फेरि अनुष्का शेट्टीको उत्कृष्ट अभिनय यस चलचित्रमा देख्न सकिने छ ।
Discussion about this post