इटहरी/ झापाको काकडभिट्टामा ‘गोर्खा साँगीतिक साँझ-२’ सम्पन्न भएको छ । द गोर्खा मेमोरियल फाउन्डेसन नेपालको आयोजनामा सम्पन्न लाईभ म्युजिक कन्सर्टमा गायक धन किरण गुरुङले अर्केस्ट्रासहित आफ्नो लोकप्रिय प्रस्तुतीहरु दिएका थिए । गुरुङ गोर्खा मेमोरियल फण्ड युकेका अध्यक्ष तथा बेलायत फोक्सटन सिटिका पुर्व काउनसिलर समेत हुन् ।
काकडभिट्टा अवस्थित टाउन हलमा भएको कार्यक्रममा गुरुङको विशेष प्रस्तुती सहित दार्जीलिङका चर्चित हास्य कलाकार महेन्द्र बगदासको हास्य प्रहसन समेत रहेको थियो । यस्तै कार्यक्रममा गायिका सृष्टि हिङमाङ, द भ्वाइस अफ किड्सको रनरअप अनुजा कडरिया संगै ख्यातिप्राप्त ब्याण्डको प्रस्तुति समेत रहेको थियो ।
Discussion about this post