इन्डियन आईडलमा गीत बिर्सिएर धड्कन बढेपछि मेनुकाको लागी स्टेजमै डाक्टर

इटहरी/ इन्डियन आईडलमा पुगेर आफ्नो ख्याती स्थापित गरेकी गायिका मेनुका पौडेलले मंचमा गीत गाउदा गाउँदै बिर्सिएकी छन् । उनलाई इन्डियन आईडल १४ औं संस्करणको उपाधी दावेदारको रुपमा लिइएको छ । तर, पछिल्लो समय देखिएको यो कमजोरीले उनको दावेदारीमा धक्का लाग्ने त हैन ? भन्ने प्रश्न उब्जिएको छ । तर, उनले गाउँदा गाउदै बिर्सिएपनी सबैको साथ भने पाएकी छन् ।

गायनमा समस्या आएपछि उनलाई सान्त्वना दिदै निर्णायकहरु तथा अतिथि बनेर कार्यक्रममा उपस्थित भएका बलिउड अभिनेता सन्जय दत्त स्टेजमै पुगेका थिए । उनले २/३ चोटि धडकन बढ्यो भनेपछी मेनुकालाई स्टेजबाट तल झारिएको थियो । स्टेजमा उनको स्वास्थ चेकजाँचको लागी डाक्टर समेत बोलाईयो । तीन ओटा गीत गाएकी उनको एक गीतमा समस्या आएपछि ढुकढुकी बढेको थियो । डाक्टरले प्रेसर जाँच्दा निरन्तर गीत गाउन सक्ने भनेपछी उनको प्रस्तुति अघि बढेको थियो ।

अतिथि बनेर उक्त कार्यक्रममा देखिएका बलिउड अभिनेता सन्जय दत्तले उनको प्रस्तुतिमा अवरोध देखेपछी कहिलेकाहिँ यस्तो हुन्छ भन्दै आँट थपिदिए । यता, लोकप्रिय गायिका तथा इन्डियन आईडल १४ औं संस्करणको निर्णायक समेत रहेकी श्रेया घोषालले पनि मेनुकाले गायनका क्रममा बिर्सिएपछी तिमिले गीत पूरा गर्न सक्छौ भन्दै हौसला थपिदिईन् ।

इन्डियन आईडल १४ औं संस्करणमा सहभागी भएर पहिलो प्रस्तुतिदेखी नै दावेदार प्रस्तुतिसहित निर्णायक, नेपाली र भारतीय नागरिकहरुको समेत निरन्तर मन जित्दै आईरहेकी छन् । तर, आईतवार उनले दिएको प्रस्तुती भने केही खल्लो रहन गयो । तर, पनि उनको आगामी प्रस्तुती र उनले पाउने मतमा कमि हुनेछैन भन्ने विश्वास गर्न सकिन्छ । उनी बटम चारमा समेत परेकी थिइन्, तर अन्यको भन्दा बढी मत ल्याएर उनी सुरक्षीत रहिन् र अन्तिम ११ औंमा प्रवेश गर्न सफल भएकी छन् ।