इटहरी/दक्षिण भारतीय सुपरस्टार प्रभास र पृथ्वीराज सुकुमारनको मुख्य भूमिका रहेको सिनेमा ‘सलार’को दोस्रो ट्रेलर सार्वजनिक भएको छ । यो सिनेमा शुक्रबारबाट नेपालमा पनि रिलिज हुँदैछ । सिनेमाको पहिलो भागमा सलार नामक पात्रको उदय भएको देखाइएको छ । एक्सन जनरामा निर्माण भएको यो सिनेमा निर्माताले यो ट्रेलरलाई सिनेमाको ‘फाइनल पन्च’ बताएका छन् ।
प्रशान्त नील निर्देशित सिनेमाले दुई घनिष्ठ साथी एक अर्काको कट्टर दुश्मन बन्दा त्यसले निम्त्याउने परिणामको कथा दर्साएको छ । सिनेमाको एक्सन र संवेदना मिश्रित सार्वजनिक ट्रेलर ‘लार्जर द्यान लाइफ’ देखिन्छ । दोस्रो ट्रेलरले दर्शकलाई खान्सार नामक अलग्गै संसारमा लैजान्छ । खान्सार कसले हासिल गर्ने भन्ने कुरामा यी दुई साथीबीच लडाई परेको देखाइएको छ ।
सार्वजनिक टेलर २ मिनेट ५३ सेकेण्ड छ । यो समाचर तयार पर्दासम्म यस टेलरलाई २ करोड ७६ लाख बढीले हेरेका र २३ हजार बढीले प्रतिक्रिया दिएका छन् भने युट्युबको १२ नम्बर ट्रेनडिङ्गमा पुगेको छ । होम्बले फिल्मस्को व्यानरमा विजय किरागान्दुरले निर्माण गरेको सिनेमा सलार रिलिजको एकदिन अघि शाहरुख खान स्टारर ‘डंकी’ पनि रिलिज हुँदैछ । जसले गर्दा सलारलाई उत्तर भारतको बक्सअफिसमा राम्रो व्यापार गर्न चुनौती देखिन्छ ।
Discussion about this post