‘केटी हराएको सूचना’को टिजर सार्वजनिक, फिल्म कार्तिक ३० देखी प्रदर्शन हुने

इटहरी/ अभिनेता नाजिर हुसेन र अभिनेत्री सृष्टि श्रेष्ठ अभिनीत फिल्म ‘केटी हराएको सूचना’ आगामी कात्तिक ३० गतेदेखि प्रदर्शनमा आउने भएको छ । यही मितिमा नीता र हरिहरको ‘ह्रस्व दीर्घ’ र अभिनेता सौगात मल्लको मुख्य भुमिका रहेको फिल्म ‘बम बहादुर’ पनि रिलिज हुँदैछन् । मंगलबार ‘केटि हराएको सुचना’को टिजर सार्वजनिक गर्दै फिल्मको प्रदर्शन मिति घोषणा गरिएको हो ।

टिजरमा नाजिर र सृष्टिबीचको प्रेमिल क्षणहरूलाई सुरुमा देखाइएको छ, जसले दर्शकको मन तान्छ । तर, टिजरको अन्त्यमा सृष्टिलाई नाजिरले हात, खुट्टा र मुख बाँधेर बन्धक बन्धक बनाएको दृश्यले फिल्मको कथालाई रहस्यमय मोडमा पुऱ्याउँछ । धोका र बदलाको कथामा आधारित यो फिल्म दीपेन्द्र गौचनको निर्देशनमा बनेको हो । हेर्नुस् टिजर ।

गौचनले ३२ वर्षअघि ‘उजेली’ जस्तो चर्चित डकु-ड्रामा निर्देशन गरेका थिए । जसले उनलाई नेपाली चलचित्र उद्योगमा छुट्टै पहिचान दिलाएको थियो । यसमा निर्देशक गौचन स्वयंको स्क्रिप्ट लेखन रहेको छ ।

यो फिल्ममा नाजिर र सृष्टिसँगै सञ्जय गुप्ता, राम नारायण ठाकुर, मदन ठाकुर, रिना रिमाल र ललिता देवी मिश्रको पनि महत्त्वपूर्ण भूमिका रहेको छ । फिल्मको निर्माणमा क्युएफएक्सका सञ्चालक नकिम उद्दिन कार्यकारी निर्माताको भूमिकामा छन् भने छायांकन अमर महर्जनले गरेका हुन् । टिजरले देखाएको फिल्मको प्रस्तुति र कथानकले यो फिल्मलाई दर्शकमाझ प्रतीक्षित बनाएको छ ।