चलचित्र ‘नम्बरी सुन’मा समाबेश ‘तिमि बर म पिपल’ गीत सार्वजनिक

इटहरी/चर्चित गायक प्रताप दास र गायिका अन्नु चौधरीको सुमधुर स्वरमा रोमान्टिक प्रेमिल भावको ‘तिमि बर म पिपल’बोलको गीत भिडियो बजारमा आएको छ । सार्वजनिक म्युजिक भिडियोमा अर्जुन पोखरेलले शब्द तथा संगीत भरेका छन् भने आदेश गुरुमछानेले संगीत एरेन्ज गरेका हुन् । यस गीतलाई नरेश बि.बि.सी.को मिक्सिङ्ग तथा मस्टरिङ्गमा ए प्लस स्टुडियोमा रेकर्ड गरिएको छ ।

सार्वजनिक गीत भिडियो आगामी २०८० माघ १९ मा प्रदर्शनको तयारीमा रहेको फिल्म ‘नम्बरी सुन’मा समाबेश छ । यस भिडियोलाई राम जी लामिछानेले कोरियोग्राफ गरेका छन् । एक अर्कामै समर्पित भएर मायामा हराउने गरि माया हुने, भाव झल्केको तथा शब्द अनुरुप आफुलाई ढाल्दै गौरब पहारी र नम्रता सापकोटा फिचर्ड छन् भने जोडी पनि उतिकै सुहाएको छ । भौगोलिक सुन्दरताले भरिपूर्ण ठाउँहरुको मनमोहक दृस्यहरु कैद गर्दै खिचिएको ‘तिमि बर म पिपल’ बोलको गीत भिडियो यस्तो बनेको छ हेरौ भिडियो ।

राजु गिरीको निर्देशन र दिव्या सुबेदीको छायांकन तथा गौतम राज खड्काको सम्पादन रहेको यस फिल्ममा सरोज खाती, सबिन खाती, मनोज रिजालको निर्माण लगानीमा छ । फिल्ममा गौरब पहारी र नम्रता सापकोटाको साथ साथै सरोज खनाल, बुद्धि तमाङ्ग, राजा राम पौडेल, बिनोद न्यौपाने, किरण नेपाली, राजेन्द्र खड्गी, सबिन बास्तोला, गीता अधिकारी, नारायण खाती, अस्मिता न्यौपाने तथा राजेन्द्र गिरि लगायतका कलाकारहरुको अभिनय रहेको छ ।