इटहरी/ राजधानी मिडिया र प्रिन्सेस मुभिजको संयुक्त प्रस्तुतिमा निर्माण भएको फिल्म ‘सानो संसार’को अफिसियल टिजर म्यूजिक नेपालको युट्युब च्यानलमार्फत सार्वजनिक गरिएको छ । यस फिल्मलाई निर्देशक सिद्धार्थ पुडासैनीले निर्देशन गरेका छन् । यो फिल्म आगामी २७ सेप्टेम्बर, अर्थात् असोज ११ गतेबाट सार्वजनिक प्रदर्शनमा आउँदैछ । सार्वजनिक टिजर हेर्दा पारिवारिक कथामा सानो संसार निर्माण भएको छ ।
पैसाको अभावले निम्त्याएको पारिवारिक उतारचढाव नै यो फिल्मको प्रमुख कथा रहेको बुझ्न सकिन्छ । यो फिल्मको प्रमुख भूमिकामा अञ्जाशा रिजालले सारा खड्काको चरित्र निभाएकी छिन् भने अनु दाहाल, सुजाता खड्काको रूपमा यो फिल्ममा देखिनेछिन् । अन्य प्रमुख कलाकारहरूमा राज पंगेनी शर्मा (लिला बहादुर खड्का), सीता देवी तिमिल्सिना (सानुमाया खड्का), जीवन गौतम (लक्ष्मण खड्का), सरिता भण्डारी (फुपु) र शिशिर सिवाकोटी (धिरज) रहेका छन् । हेर्नुस् टिजर ।
फिल्मको निर्मातामा अर्जुन कुमार रहेका छन् भने माधव वाग्ले कार्यकारी निर्माता रहेका छन् । फिल्मको पटकथा सरिस्मा खतिवडा र सिद्धार्थ पुडासैनीले लेखेका हुन् । प्राविधिक पक्षमा फिल्मको छायांकन प्रविन खड्काले गरेका छन् भने सम्पादनको काम रोमी मोसेस तन्दुकारले गरेका हुन् । फिल्मको सहायक निर्देशकमा शिशिर पोखरेल र एमडी हुसैन रहेका छन् । फिल्मको वितरण प्रिन्सेस मुभिजले गर्नेछ भने विशेष भिएफएक्स काम मनोज श्रेष्ठले गरेका छन् । फिल्मका कोरियोग्राफरहरू सुजाने खड्का र मनोज खड्का रहेका छन । टिजर सार्वजनिक पस्चात यसले राम्रो प्रतिक्रिया पाइरहेको छ ।
Discussion about this post