इटहरी/ भारतको सोनी टेलिभिजनबाट प्रशारण हुने चर्चित गायन रियालिटी सो इन्डियन आइडलमा सुरु देखि नै धमाकेदार प्रस्तुति दिँदै चर्चा कमाएकी नेपालकी मेनुका पौडेल एक पटक फेरी आफ्नो जादुमय स्वरका कारण चर्चामा छिन् । यो पल्ट भने उनि चर्चामा आउनुको कारण : ‘एनिमल’ फिल्मका मुख्य कलाकार रणवीर कपुर र रस्मिका मन्दाना हुन् ।
यी २ चर्चित भारतिय कलाकारहरु इन्डियन आइडलको मञ्चमा आफ्नो फिल्म प्रोमोसनको लागी आएका थिए । सो बेला अभिनेता कपुरले चर्चित गायिका तथा शोका निर्णायक श्रेया घोस्वाललाई देवी र मेनुकालाई देवीको दोस्रो स्वरुप अर्थात् संगीतको दोश्रो देवी भनेका छन् ।
अभिनेता कपुरले स्टेजमा गएर प्रतिष्पर्धीको रुपमा रहेकी मेनुकाको आशीर्वाद लिन चाहन्छु भन्दै खुट्टा छोएका थिए । यस्तै उनले मेनुकालाइ दोश्रो देवीको दर्जा दिएका हुन् । जुन अहिले चर्चाको विषय बनेको छ । यहि क्रममा मेनुकाले कपुरसंग उनको छोरीको कुरा गर्दै “कुन गीत बढी गाउनुहुन्छ ?” भनेर पनि सोधेकी छन् । प्रति उत्तरमा कपुरले पनि हास्दै दुई गीत धेरै गाउने बताएका छन् ।
Discussion about this post