‘आई एम ट्वान्टी वान’ ट्रेलर: आफ्नो र बाबाको सपनामा अल्झिएको धराने ठिटोको कथा

इटहरी/ अभिनेता धिरज मगर र अभिनेत्री जसिता गुरुङ प्रमुख भुमिका रहेको प्रतिक्षित फिल्म ‘ज्याकी: आई एम ट्वान्टी वान’को ट्रेलर सार्वजनिक भएको छ । नयाँ वर्ष २०८० को अवसर पारेर बैशाख १ गते युट्युबमा सार्वजनिक ट्रेलरमा बाबु र आफ्नो सपनाको दोधारमा अल्झिएको युवकको कथा देखाईएको छ । नेपालकै पहिलो डान्स ड्रामा भनिएको यो चलचित्रकी निर्देशक रेनेशा बान्तावा राई राणा हुन् । निर्माता प्रभु शमशेर जबरा र प्रज्ज्वल शमशेर जबरा हुन् । हेर्नुस् ट्रेलर ।

यहि बैशाख २१ गतेबाट सार्वजनिक प्रदर्शनमा आउने फिल्मको यसअघि सार्वजनिक ‘कथा’ बोलको गीत तथा भिडियोलाई सामाजिक संजालमा धेरैले मन पराएका थिए । फिल्ममा धिरज र जसितासंगै अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु बजाज, सुजता राई, सुर्यमन लिम्बु, विकास जोशी, प्रदीप लामा, सुशान्त गौतम, नारायणदेवी प्रधान, रिजोन परियार, विकास जोशी लगायतका कलाकारको अभिनय छ । फिल्मलाई सुशान्त प्रजापतिले छायांकन गरेका छन् भने रोहित शाक्य, स्वप्निल शर्मा, कालिप्रसाद बाँस्कोटाको संगीत, द वाइल्ड रिपर्ज क्रुको कोरियोग्राफी छ ।