गायक सुगम पोख्रेलले दर्शकमाथी हाने माइक्रोफोनको झटारो, खासमा भएको के थियो ?

इटहरी/ नेपाली सुगम संगीतका लोकप्रिय गायकमा गनिन्छन गायक सुगम पोख्रेल । दर्जनौ हिट गीत गाएर आफ्नो नाम देश बिदेशमा कमाउन सफल उनै गायक सुगमले नामको बद्नाम गर्न थालेका छन् । जुन दर्शकहरुका कारण उनी यहाँसम्म पुगेका छन् र जुन माइक्रोफोनका कारण आफ्नो जादुमय स्वरलाई ती दर्शकहरुसम्म पुर्याएका छन् । अहिले त्यही माइक्रोफोनले आफ्ना ति दर्शकहरूलाई झटारो हान्न थालेका छन् ।

यो कुनै काल्पनिक कथा नभई सत्य हो । कार्यक्रमको सिलसिलामा अस्ट्रेलिया पुगेका उनले गएको साँझ प्रस्तुतीका क्रममा दर्शकलाई माइक्रोफोनको झटारो हानेका हुन् । हलमा भरिभराउ उनका गीत सुन्न उपस्थित दर्शकहरुले सुगमका कुरा भने सुन्न चाहेनन् । अर्थात उनले नेपालमा १३० जना भुकम्पका कारण मरेका छन् । त्यसैले उनिहरुका लागी मौन धारण गरौं भन्ने आग्रह गर्छन् । दर्शकहरूले त्यो उनको आग्रहलाई बेवास्ता गरेर निरन्तर हल्ला गर्छन् ।

हल्ला नियन्त्रण गर्न र मौन धारण गर्न उनले कोसिस गर्छन् । तर, बोली लरबरिएको सुनिने सुगमले खासै आफ्नो कुरामा दर्शकले खासै चासो नदिएपछि उनले एक जना दर्शकमाथी स्टेजबाट तल झरेर माइक्रोफोनको झटारो हानेका हुन् । उनको अराजकतालाई रोक्न सुरक्षागार्ड खटिन्छन् । र उनलाई ब्याकस्टेज लगिन्छ । तर पुनः स्टेज चढेका उनको रिस शान्त नभएरै हुनसक्छ, छेउमै रहेको बोतलको झटारो पुनः त्यही दर्शकलाई ताकेर हान्छन् । यतिबेला उनको यस्तो क्रियाकलापको भिडियो सामाजिक संजालमा भाइरल भैरहेको छ । उनको शैली र बोलिले उनी रक्सीले मातेको प्रष्टै बुझ्न सकिन्छ ।

भिडियोमा के छ ?

सुगम: मैले भर्खर सुने नेपालमा १३० जना बित्नुभएको छ । (दर्शकबाट हल्ला भइरहेको छ)सुगम: ओए, ब्रुस लीको भाइ हल्ला नगर्नु न ! हाम्रो घरको मान्छे पनि हुन सक्छन् । काठमाडौँमा हरेक घरको मान्छे हुन्छन् आजकल । एकचोटी उहाँहरूको लागि मौन धारण गरौँ न ।(दर्शकबाट हल्ला भइरहेको छ)सुगम: साईलेन्स ! (एक छिन उनी बोल्दैनन्)सुगम: बहिनी कमला, बिमला त पोईला गइन् दोकान समाल (गीत) । एक छिन एक छिन । नेपालमा धेरै जना बित्नुभएको छ । आज मैले पोस्ट गर्दा खेरी मलाई बडो नरमाइलो लागिराको छ । वि बिलंग टु द्याट कन्ट्री ।(सुगम एक जना दर्शकसँग रिसाउँछन्)सुगम: ए भाइ, तिमीलाई …* कसम झट्टी हान्छु फेरी । (सुगमले औँला ठड्याउँछन्) यसलाई बोला त यो भाइलाई । आई नीड टु टल्क विद हिम, कमअन । यो यो तालुवाला भाइलाई ।सुगम स्टेजबाट तल झर्छन् । सुरक्षा गार्डले रोकेपछि उनले माइक्रोफोनले झटारो हान्छन् । सुरक्षा गार्डले रोकेर पुनः स्टेज लैजान्छन् । स्टेज पुगेपछि पोखरेलले फेरी झटारो हान्छन् । त्यसपछि उनलाई स्टेजको पछाडि लगिन्छ ।