भ्वाइस बिजेता किरण गजमेरको स्वरमा ‘अजात’, अभिनयमा पनि देखिए अब्बल

इटहरी/ भ्वाइस अफ नेपाल तेस्रो संस्करणका बिजेता किरण गजमेरले ‘अजात’ सार्वजनिक गरेका छन् । स्वरमा निखारिएका उनी अभिनयमा उत्तिकै अब्बल छन् भन्ने यो गीतको भिडियोले प्रमाणित गरेको छ । सार्वजनिक गीतमा उनै गजमेरको स्वर समावेश गरिएको छ भने अभिनयमा पनि उनी आफै फिचर्ड भएका छन् ।

किरणलाई सार्वजनिक भिडियोमा अभिनय गर्न बिम्बु मगरले सघाएकी छन् । किरणको गायन संगै अभिनय रहेको यो दोश्रो गीत हो । गीतमा बिकु दादाको शब्द समावेश गरिएको छ भने देवेश राईले संगीत भरेका छन् । लोक आधुनिक लयमा तयार भएको यो गीतको भिडियोमा किरणले ठुम्का हान्दै गरेको पनि देख्न सकिन्छ । हेर्नुस् भिडियो ।

भिडियोलाई मौसम हिमालीले कोरियोग्राफी तथा निर्देशन गरेका हुन् । नवराज उप्रेतीले छायांकन गरेको भिडियोलाई मनोज कार्किले सम्पादन गरेका हुन् । उक्त भिडियोलाई गायक किरण गजमेरकै नाममा रहेको युट्युब च्यानलबाट सार्वजनिक गरिएको छ । सार्वजनिक पश्चात् गीत तथा भिडियोले सकारात्मक प्रतिक्रिया पाइरहेको छ ।