इटहरी/ युवतिहरुमा लुकेको प्रतिभा तथा सौन्दर्यतालाई सबैमाझ ल्याउने उद्देश्य सहित ब्ल्याक पिग इन्टरटेनमेन्टले ‘मिस धरान आइकन’ को दोश्रो संस्करण आयोजना गर्ने भएको छ । धराने युवतिहरु विचको प्रतिष्पर्धा यो प्रतियोगितामा हुनेछ । आयोजकले यो मंगलबार पहिलो अडिसन समेत सम्पन्न गरेको छ । आयोजकले खुलाएको अनलाइन फारम र कलेज एक्टिभेशन पश्चात इच्छा देखाएका युवतिहरु पहिलो अडिसनमा सहभागी भएका हुन् ।
धरानस्थित हाङ्गकोक सारंग कोरियन रेस्टुरेन्टमा आयोजना गरिएको अडिसनमा ११ जना धराने युवतीको सहभागीता रहेको आयोजक संस्थाका प्रमुख हरिहाङ तिगेलाले बताए । अडिसनमा निर्णायकको रुपमा कोरियोग्राफर प्रोजिता लामा, मिस धरान आईकन पहिलो संस्करणकी फर्स्ट रनर अप प्रजिना राई र सेकेन्ड रनरअप श्वेता बिस्वकर्मा पोख्रेल रहेका थिए । कम्तिमा एसईई उतिर्णले यो प्रतियोगितामा सहभागी हुन पाउने बताइएको छ । आगामी अडिसनम सहभागी हुनलाई इच्छुकले मिस धरान आइकनको अफिसियल पेजमा राखिएको अनलाइन फारम भर्नुपर्ने छ ।
फारम भर्नेहरुका लागी यहि साता दोश्रो तथा अन्तिम अडिसन राखिने आयोजक हरिहाङ तिगेलाले जानकारी गराए । अडिसन पारगर्ने धराने युवतिहरुलाई २० दिन व्यक्तित्व विकास, फेशन, र्याम्प वाल्क, सौन्दर्य, पर्यटन, इतिहास तथा क्याटवर्कलगायतका प्रशिक्षणहरु दिइनेछ । प्रतिष्पर्धीहरुलाई मिस धरान आइकन २०२३ कि कोरियोग्राफर समेत रहेकी तथा मिस तामाङ २०१९ प्रदेश १ कि बिजेता र मिस टुरिजम क्विन वर्ल्डवाइड २०१९ मा बेस्ट इस्माइलको टाइटल बिजेता समेत बनेकी प्रोजिता लामाले कोरियोग्राफी गर्नेछन् ।
मिस धरान आइकन २०२३ बाट बिजेता, फर्स्ट रनरअप, सेकेन्ड रनरअप संगै मिस ट्यालेन्ट, मिस फोटोजेनिक, मिस चार्मिङ, मिस व्यूटिफुल स्माइल, मिस पर्सनालिटी, मिस व्यूटिफुल कम्लेक्सन लगायतका बिभिन्न सब-टाइटलको उपाधि प्रदान गरिने बताईएको छ । बिजेताले ५० हजार नगद, फर्स्ट रनरअपले ३० हजार नगद र सेकेन्ड रनरअपले २० हजार नगद सहित अन्य आकर्षक पुरस्कारहरु प्राप्त गर्नेछन् । मिस धरान आइकनको पहिलो संस्करणमा आसमाया राई बिजेता भएकी थिइन् भने फर्स्ट रनरअप प्रजिना राई र सेकेन्ड रनरअप श्वेता विश्वकर्मा पोख्रेल भएकी थिइन् । दोस्रो संस्करणको आगामी असोज २६ गते शुक्रबार धरानमा फिनाले गरिने आयोजको तयारी रहेको छ ।
Discussion about this post