“वाइल्ड रिपर्ज क्रु “का सुरेन राइले बिशेष वर्कशप दिने

इटहरी / काठमाडौंमा हुन् लागेको डान्स च्याम्पियन लिग सिजन २ मा नेपालका चर्चित डान्स ग्रुप “वाइल्ड रिपर्ज क्रु” का सुरेन राइले वर्कशप दिने भएका छन् । २०१९ मा भएको डान्स च्याम्पियन लिग पहिलो सिजनको सफलता पछि पुन: दोश्रो सिजन लिएर आउन् लागिएको हो । सुपर डान्सर नेपाल समेत जजको भूमिकामा रहेका सुरेन राईलाइ प्रतियोगितामा आउने प्रतिस्पर्धिहरुको भबिष्यलाइ प्राथमिकतामा राख्दै प्रतिस्पर्धा अगाबै उनिहरुले नेपाल तथा भारतमा निकै चर्चामा रहेको डान्स ग्रुप “वाइल्ड रिपर्ज क्रु” का सुरेन राइबाट वर्क शप दिइने फियुजन डान्स सेन्टरका अध्यक्ष दिपेश माझीले बताएका छन् ।

अडिसनबाट ४०० प्रतिस्पर्धिहरुको छनौट गरिएको छ । प्रतिस्पर्धाको दोस्रो चरणमा २५० जना डान्सर बीच प्रतिस्पर्धा हुने छ । चार चरणको प्रतिस्पर्धा रहने उक्त कार्यकर्मको दोश्रो चरणको प्रतिस्पर्धामा छनौट भएका २५० जना प्रतिस्पर्धिहरुलाई “वाइल्ड रिपर्ज क्रु “का सुरेन राइले बिशेष प्रशिक्षण “वर्कशप” दिने छन् । मेगा अडिसनबाट प्रतिस्पर्धिहरुको अगाडिको यात्रा सुरु हुनेछ ।

प्रतियोगिताको अन्तिम चरण ग्रान्ड फिनालेमा १० प्रतिस्पर्धिलाइ छनौट गरि डान्स च्याम्पियन लिग सिजन २ बिजेता घोषणा गर्दै कार्यकर्मको समापन गरिने छ । फियुजन डान्स सेन्टरको आयोजना रहेको उक्त प्रतियोगिताको काठमाडौं अडिसन सम्पन्न भैसकेको छ । दिपेश माझी र सूर्या कार्की, सुजित श्रेष्ठ, लिला सुनार यस कार्यक्रमका आयोजक रहेका छन् ।