‘नेपाल चलचित्र निर्देशक समाज’को बेलायत च्याप्टर गठन, संयोजकमा सनम कुमार बैरागी

इटहरी/ ‘नेपाल चलचित्र निर्देशक समाज’को बेलायत च्याप्टर गठन भएको छ । फिल्म गोर्खा वारियरको भर्खरै बेलायतमा सम्पन्न ग्राण्ड प्रिमियरमा सहभागी हुन बेलायत पुगेका निर्देशक समाजका अध्यक्ष जनकदिप पराजुली र महासचिव अरुण कुमार प्रधानको उपस्थितिमा एक छलफल तथा भेटघाट कार्यक्रम आयोजना निर्देशक सनम कुमार बैरागीको संयोजकत्वमा यहि २६ गते मंगलबार बेलायत च्याप्टर गठन गरिएको हो ।

यस्तै उप-सयोजकमा फिल्म निर्देशक प्रदीप शाही चयन भएका छन् । उनले पछिल्लो समय फिल्म अन्तिम संस्कार निर्देशक गरेका थिए । बेलायतभरी कर्मथलो बनाएर रहेका नेपाली चलचित्र निर्देशकहरुलाई एउटै छातामुनि ल्याउन र नेपालमा आएर चलचित्र सम्बन्धि काम गर्दा सहज बाताबरण बनाउने उद्देश्यले यो च्याप्टर गठन गरिएको महासचिव प्रधानले बताए ।

बेलायतबासी अन्य नेपालि फिल्म निर्देशकहरुलाई भने सदस्यमा राखिने बताईएको छ । निर्देशक समाजको बेलायत चाप्टर गठन कार्यक्रम इनास युके चलचित्र प्रबर्द्धन समिती तथा संयोजक मनिष श्रेष्ठको आयोजनामा उक्त कार्यक्रम भएको थियो । सो कार्यक्रममा कलाकार संघको युकेको सहसचिब तथा नायिका सृजना निङ्लेखु, चलचित्र निर्माता पर्शुराम राई, निर्देशक आर्यम नकर्मी, सबिन श्रेष्ठ, दिपेश सिलवाल, आषिश श्रेष्ठ, प्रकाश श्रेष्ठ, अनिता ताम्राकार, राजेन्द्र खस लगायत इनास युकेका अध्यक्ष बिनोद चिपालु आदि चलचित्रकर्मीको उपस्थिति रहेको थियो ।