पारिवारिक उतारचढाव झल्किएको तीज गीत ‘आमा २’ युट्युबमा

इटहरी / यतिबेला जताततै तीज गीत सार्वजनिक हुने क्रम बाक्लिदो छ । यसैबीच ३ साताअघि सार्वजनिक भएको तीज गीत ‘आमा २’ ले सार्वजनिक पश्चात् युट्युबमा राम्रो स्थान प्राप्त गर्दै चर्चामा आईरहेको छ । यो समाचार तयार गर्दैगर्दा भिडियोले करिव ७ लाख ५० हजार भ्युज बटुल्दै युट्युब ट्रेन्डिङको म्युजिक क्यटोगरीमा १९ औ स्थान पकड गर्न सफल भएको छ । पारिवारिक झगडा तथा मेलमिलापमा कमिको सन्देश बोकेको यो गीत उतिकै मार्मिक र सन्देशमुलक छ ।

आमा र श्रीमतीको माया , अनि दुई बिचको उतार चढाव र अनैतिक व्यवहारबीच लाचार शहरी छोराको आमा र श्रीमती बिच संवाद तथा पिडा गीतमा झल्केको देखिन्छ । यस गीतमा बध्यातामा शहर पसेको छोरा र आमा बिचको तिता मिठा भोगाइ झल्काएको र चार्ड पर्वको बेला साथीभाई तथा आफन्त भेला हुदा गरेको रमाईलोलाई कलात्मक ढङ्गले प्रस्तुत गरिएको छ । हेर्नुस् भिडियो ।

यस्तो मार्मिक गीतको रचना सन्तोष केसीले गरेका हुन् भने संगीत पनि उनैको रहेको छ । गायक सन्तोष केसी, गायिका समिक्षा अधिकारी र राधिका हमालको स्वर रहेको यस गीतलाई एरेन्ज कमल सौरागले गरेका छन् । स्मृति तिमल्सिना ‘गुरुआमा’ले निर्देशन गरेको यस भिडियोमा हास्यकलाकार किरण केसी, अनुसा महर्जन, पल्पसा डंगोल, कमल गाउले र सारधा गिरीको जिवन्त अभिनय रहेको छ । सार्वजनिक भिडियोलाई छायांकन राजेश घिमिरेले गरेका हुन् भने सम्पादन बिष्णु शर्माले गरेका छन् ।