इटहरी/ आर.के. इन्टरटेन्मेन्ट ग्रुपले आयोजना गरेको मिस ग्राण्ड नेपालको छैटौं संस्करणबाट ५ अन्तर्राष्ट्रिय सौन्दर्य प्रतियोगितामा सहभागीताको लागी सुन्दरीहरुको छनौट गरिएको छ । जमलस्थित राष्ट्रिय नाचघरको डबलीमा सम्पन्न सम्पन्न भएको ग्राण्ड फिनालेबाट सलिना नेपालले मिस ग्राण्ड वर्ल्ड नेपालको उपाधी चुमेकी छिन् । उपाधिसंगै उनले बज्र एंड बज्र ग्रुपको विद्युतिय स्कुटर पुरस्कार स्वरुप प्राप्त गरेकी छन् ।
यस्तै प्रतियोगिताको फिनालेबाट प्रशंसा उप्रेतीले ‘फेश अफ ब्युटी इन्टरनेसनल नेपाल’, करुणा दाहालले ‘मिस औरा इन्टरनेसनल नेपाल’, ब्रिटिना आलेले ‘मिस ग्रान्ड युनिभर्सल नेपाल’ र लक्ष्मी बुढा मगरले ‘मिस ग्लोबल इन्टरनेसनल नेपाल’को ताज पहिरिन सफल भएकी छन् । यी बिजेताहरुले प्राप्त उपाधिसंगै अन्तर्राष्ट्रिय संस्करणमा नेपालको तर्फबाट सहभागिता जनाउने अवसर प्राप्त गरेका छन् । पाँचै जना विजेताले नगद पुरस्कार, एक लाख बराबरको थान्का, नेपाली चलचित्रमा अभिनय गर्ने अवसरका साथै विभिन्न गिफ्ट ह्याम्पर प्राप्त गरेका छन् ।
प्रतियोगितामा सेन्ट्रल फेसन हब कोटेश्वोर र कुपन्डोलका फेसन डिजाइनर, बिधार्थीहरुले फिनालेको ड्रेस र प्रिति शाक्यले ओपिनिङ्ग ड्रेस तयार पारेका थिए । जसमा डिजाइनर सुभाषिनी सिंहको निर्देशन रहेको थियो । प्रतियोगिताको कोरियोग्राफी र संचालन संचारकर्मी एवं फेसन कोरियोग्राफर रोजिन शाक्यले गरेका हुन् । प्रतियोगिताको फिनालेबाट सुदुर पश्चिम प्रदेश अनुशा मदै, कर्णाली प्रदेश लक्ष्मी बुढा मगर, लुम्बिनी प्रदेश ब्रिटिना आले, बागमती प्रदेश सब्बु महर्जन, मधेश प्रदेश ज्योति गिरी, कोशी प्रदेश दृष्टि मगरलाई प्रदेशगत ‘मिस ग्रान्ड नेपाल २०२३’ को विजेता चयन गरिएको थियो ।
Discussion about this post