नेपालमा जे पनि हुन्छ: रिलिज नै नभएको फिल्मबाट उत्कृष्ट अभिनेत्री छनौट

इटहरी/ कहि नभएको जात्रा हाडी गाउमा भने झै हुने नहुने जात्रा नेपाली फिल्म उधोगमा हुन्छ । अब त हुँदा हुँदा रिलिज नै नभएको फिल्मबाट फिल्म फेस्टिभल समारोहमा उत्कृष्ट अभिनेत्रीको अवार्ड दिन थालिएको छ । कुरा हो भर्खरै सम्पन्न ‘पाचौं पिम नेपाल फिल्म फेस्टिभल’ को । काठमाडौको सास्कृतिक संस्थानमा ३ दिनसम्म चलेको यो फिल्म फेस्टिभलको समापन समारोहमा प्रमिला कार्किलाई फिल्म ‘बगान’ बाट उत्कृष्ट अभिनेत्रीको अवार्ड प्रदान गरिएको हो ।

यो फिल्म बगानको अहिले सम्म केही पोस्टर, गीत, टिजर र ट्रेलर मात्रै सार्वजनिक भएको छ । पूरा फिल्म त यहि असारको २९ गतेबाट देशब्यापी रिलिज हुँदैछ । अब भन्नुस् त उनले यो फिल्मबाट कसरी उत्कृष्ट अवार्ड पाईन् ? जबकी फिल्म रिलिज नै भएको छैन । कि त यो अवार्ड आयोजकले कार्कीले गीतमा गरेको अभिनय वा त बगानको ट्रेलर हेरेर अवार्ड प्रदान गरिएको हुनुपर्छ । अथवा फिल्म युनिटको पब्लिसिटी स्टन्ट हुनसक्छ । अब आयोजकले ट्रेलर नै हेरेर उत्कृष्ट अभिनेत्री घोषित गरेको हो भने त यत्तिको ट्यालेन्ट आयोजक सांसरमै छैन भन्दा फरक नपर्ला ।